ORANJESTAD – Aruba a conoce su di 4 caso di coronavirus. Asina prome minister Evelyn Wever Croes a informa diamars anochi durante un conferencia di gobierno. Ta trata di un turista Mericano cu ta di vacacion na Aruba cu su casa y cu a yega nos isla siman pasa. Su casa tambe a keda gestest y ta wardando resultado di su casa. Ambos persona ta den bon estado di salud. Ta bon pa bisa cu nan no ta kedando na un hotel. A cuminsa cu e proceso di contact tracing y a compronde cu no a bin den contacto cu hopi hende. Te ainda e ta mustra uno ‘basta isola’ segun Wever. Pa loke ta e caso # 3, e persona rubiano, Wever a sigura cu DVG a haci su trabou di contact tracing y a comunica cu tur esnan necesario. Pues a manda e mensahe cu si bo persona no a wordo yama, ta pasobra bo no ta un caso sospechoso pa haya e virus y por keda trankil.
