Un rato pasa nos prome Minister mr. Evelyn Wever-Croes a anuncia cu Aruba a conoce su di 4 caso di pashent confirma contagia cu Coronavirus.
Ta trata di un turista Mericano cu a yega Aruba cu su señora pero nan no ta hospedando na hotel. Su señora tambe a haci test y ta wardando riba e resultado. E pareha ta isola y Dienst Besmettelijke Ziektes ta controlando tur hende cu nan tabatin contacto cu nan.
