Posted on 03/17/2020 10:19 am AST | Updated on 03/17/2020 10:20 am AST
ORANJESTAD – Negoshinan na Aruba a cuminsa adapta nan lugar pa asina cumpli cu e peticion di gobierno pa cu e asina yama ‘distancia social’, pues creando mas distancia entre personanan, y den e caso aki tambe, con nan ta sinta. Un negoshi popular den De La Salle Straat, Welcome Snack for di awe mainta a haci esaki, sacando mas mesa afo, creando asina mas espacio entre mesa y stul. Berdad e ta crea menos lugar pero por lo menos esnan cu ta den e establecimento, por sinta na un manera ‘safe’ for di otro sin problema di contagion. E regla ta mas di un meter y mei for di otro. Tin mas negoshi cu tambe a cuminsa implementa esaki.
