fbpx
December 04, 2022

Aruba tin 125 persona den cuarentena pa Coronavirus

Share on Facebook
Share on Whatsapp
0
0
Aruba tin 125 persona den cuarentena pa Coronavirus
Aruba tin 125 persona den cuarentena pa Coronavirus

||| Como 61 persona a sali negativo pa test

ORANJESTAD (AAN): Tabata Diamars anochi, cu Prome Ministro Evelyn Wever-Croes a revela cu Aruba a conoce su Caso #4 confirma di Coronavirus Covid-19.

Ta trata aki di un turista Mericano cu a bin Aruba pero cu no a hospeda na un Hotel.  El a bin Aruba cu su casa, y nan no a mobiliza hopi rond di Aruba.  Pues e chens cu nan a plama e virus, ta bira minimo.

Mirando e hecho cu e casa di e turista lo por a wordo contagia, e tambe a ser poni den cuarentena y a haci un test cune.

Te cu Diaranzon merdia 1:00 pm, e cantidad di hende na Aruba cu ta den cuarentena-propio ta 125 persona.

Segun Jurette Croes na Aruba di berdad tin 125 persona caba den cuarentena.  Tambe di tur esnan cu a pasa e Test, te cu Diaranson merdia tin 61 persona cu a sali negatief pa Covid-19.

Aki e experto di Salubridad Publico, a bisa cu nan ta deliberando pa cambia e definicion, amplia esaki pa asina bay test mas persona pa Covid-19.

Mientras tanto Dialuna anochi tabata Prome Ministro mes cu a revela Caso #3 di Covid-19 na Aruba.  Aunke e no a duna nomber ni edad, a sali na cla cu e ta un ser femenino.  E tambe ta den isolacion aworaki, y su caso tambe a bin debi na contacto anterior cu su pareha, y esaki tambe ta un caso di Coronavirus importa.

   CUARENTENA:

Cu Cuarentena nifica cu e pashent ta wordo ordena pa e bay cas y pa 14 dia largo no mag di tin contacto cu hende di afo.  Paso probablemente bo a bin di un isla of pais cu tin virus, of tabatin contacto directo cu un hende positivo.

Na cas, abo como pashent tin di keda separa di sociedad y famia.  Preferible keda den camber y no tene contacto cu hende afo. Si bo sinti sintoma, e ora bisti mascara hasta ora bo ta den cuarentena.

Si ta posible keda bo curpa cera den un camber.  Aki bo ta separa tur forki, cuchara, y cuchiu y bo serbete.  Si bo ta tosa of niester, tira e napkin afo den un saco di plastico, mare.  Haci bo actonan concientemente.

Bebe paracetamol tambe pasobra e ta eficiente y no ta dunabo ningun complicacion.  Bebe hopi awa ora bo tin keintura.  Mantene contacto cu famia via telefon of videocall.  Kizas bo por ricibi cuminda y cos di bebe via bentana di camber cu ta wordo lo minimo habri.

    ISOLACION:

Na Aruba bo ta bay den Isolacion si acaso bo a sali positivo pa e virus.  Aki ta ser pidi pa ban fortifica nos lazo familiar den esaki.  Un hende isola na cas y no por sali bay haci compras, ta necesario pa su famia of amigonan por sostene den esaki.  Crea un forma pa comunica cune, y tur hunto yuda sostene e persona aki.

Esnan mas riesgoso ta riba 60 aña y esnan cu problema cronico, e.o. obesidad, cardiovascular, curazon, presion halto, diabetico, inmunologico abao, cancer, HIV.

Corda cu Callcenter 280-0101 ta ricibi hopi yamada.  Aruba ta trahando riba un otro sistema pa bay habri comunicacion cu publico, y esey lo bay inclui Whatsapp chat tambe.  Pesey por lo pronto, laga e number di Call Center liber pa esnan cu tin sintoma.

Si acaso abo tin famia den exterior cu tin problema pa haya vuelo pa regresa Aruba, por yama un number pa haya yudanza.  Anteriormente a suministra un number so pa yuda hende, pero e number aki ta constantemente ocupa.  Awor a bin cu 3 number en total.

Esnan den problema den exterior por yama 569-6897, of 568-9251, of 563-7928.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.