fbpx
November 30, 2022

Banco Central ta proteha Florin contra shock COVID-19

Share on Facebook
Share on Whatsapp
0
0
Banco Central ta proteha Florin contra shock COVID-19
Banco Central ta proteha Florin contra shock COVID-19

Manera DIARIO a anuncia den cuadro di crisis financiero mundial 

*Regla adapta pa banconan por brinda mas yudansa na cliente

*A scrap anuncio 02/K1 pa transaccion di capital pa exterior 

ORANJESTAD (AAN) — Na momento cu e coronavirus nobo COVID-19 a haya su refleho den comercio y mundo financiero internacional, DIARIO a indica cu uno di e instancianan cu mester anuncia medidanan cu lo tuma, ta Banco Central di Aruba.

Diamars dia 17 di Maart 2020, DIARIO a ricibi informacion oficial di e medidanan cu Banco Central di Aruba lo tuma pa proteha e Florin Arubano contra e problemanan mundial ocasiona pa COVID-19.

Den un publicacion di Banco Central di Aruba na Ingles den e edicion di awe,  ta wordo mustra cu e maneho di Banco Central semper tabata basa riba inspiracion di confiansa den e Florin Arubano, cu ta mara na e Dollar Mericano.

E maneho di Banco Central tabata riba bon vigilancia di e sector bancario pa loke ta trata suficiente capital y un bumper di likides cu por soporta shock externo.

Manera DIARIO a mustra, shock ta sigur loke COVID-19 a provoca pa mundo y asina tambe pa Aruba, cu awor a conoce pasonan nobo di Banco Central pa asina e sector bancario por funciona debidamente den e situacion di presion actual.

Pa sigura e confiansa den e Florin Arubano,  Banco Central a tuma medidanan cu awe ta wordo oficialmente publica y cu mester proteha reservanan internacional.

Tambe mester a amplia e likides y capacidad di banconan comercial pa por absorbe perdida.

E anuncio oficial, manera publica den e edicion di DIARIO di awe, reglanan bancario local a wordo adapta di tal forma cu banconan ta den e capacidad pa duna asistencia financiero solicita pa comunidad den e situacion nobo cu a presenta.

E reglanan mester permiti banconan comercial duna prestamo y asistencia financiero ahusta na clientenan.

Proteccion di Florin Arubano ta tarea di Banco Central cu a anuncia cambio den e areglonan legal pa por haci pagonan na exterior cu placa stranhero.

Lo no duna licencia na moneda stranhero mas na transaccionnan di capital pa exterior. Esaki ta inclui tambe declaracionnan di dividendo.

Asina  a revoca e anuncio 02/K1 riba transaccion den moneda stranhero cu no ta aplicabel mas pa transaccionnan di capital pa exterior.

Licencianan cu ya a wordo duna, tambe pa pago di prestamonan y interes, ta mantene nan validez pero e peticionnan den tratamento lo no wordo honra.

Den otro articulo di DIARIO por tuma nota di transaccionnan pa exterior cu por continua despues di medidanan di Banco Central pa proteha e Florin Arubano den e crisis mundial actual.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.