Diaranzon den careda di 11’or y 15 di mainta, riba nos Dia Nacional di Himno y Bandera, cu no por a wordo celebra manera custumber, pa motibo di e crisis di e pandemia, cu tin nos isla tambe den su gara, un persona local a dicidi di subi lama y comete un acto castigabel y basta serio.
Polis
Maritimo durante un patruya como 3 pa 4 miya for di costa di Aruba, a bin topa
cu un boto local di piscado A 1672 yama Soseshi, mesora nan a nota cu e boto
aki tabata manera sospechoso y a subi abordo pa haci e control necesario, riba
Soseshi, nan a bin topa cu 5 persona indocumenta.
Mesora
Polis a confisca e boto y el a wordo hiba na Waf di Barcadera.
Na
yegada di e boto Soseshi, tabatin Polis, dokter, Imigracion, Douane, tambe
Guarda nos Costa y Hefe di Guarda nos Costa sra. Trudy Hassel, sperando riba
nan, pa haci tur e controlnan necesario.
Den
e boto a bin topa cu varios caha cu contenido no ta tur ta conoci,
aparentemente den algun tabata tin animal den nan probablemente parecido na
parha.
E
capitan di e boto Soseshi ta un persona masculino local, abordo tabatin 4 dama
y un homber, tur 5 ta di nacionalidad Venezolano.
Aparentemente
manera por a mira cu un di e damanan aki ta pareha di e capitan di e boto. N’e
forma hopi amoroso cu nan tabata despidiendo di otro, pasobra lo dura hopi
tempo pa nan lo por mira otro bek.
E
capitan, kende ta un homber local a keda deteni, muy probablemente e lo por
wordo huzga pa traficacion di hende, loke tin un castigo basta pisa ta warde.
E
5 personanan indocumenta tambe a keda deteni y entrega den man di Guarda nos
Costa pendiente e tramitenan necesario. Den e van di Guarda nos Costa y sigui
pa sra. Hassel nan a wordo transporta pa Guarda nos Costa na Sabana Berde.
Mester
agrega cu tabata un tremendo trabou di Polis Maritimo, den combatimento di
traficacion di ilegal.
