fbpx
December 08, 2022

Di 17 di Maart te cu 31 di Maart ta atende solamente cu casonan di urgencia na corte

Share on Facebook
Share on Whatsapp
0
0
Di 17 di Maart te cu 31 di Maart ta atende solamente cu casonan di urgencia na corte
Di 17 di Maart te cu 31 di Maart ta atende solamente cu casonan di urgencia na corte

ORANJESTAD(AAN):  Den cuadro di e riesgonan di plamamento di Coronavirus, Corte Comun di Husticia di Aruba, Corsow, Boneiro, Sint Eustatius y Saba a tuma un cantidad di precaucion pa proteha tanto personal di corte, como tambe e partido y bishitantenan.

E medidanan por lo pronto ta conta di Diamars 17 di Maart te cu 31 di Maart pa tur establecimento di Hof.

Ta bay tene solamente casonan di urgencia, por ehempel veredictonan den casonan penal, casonan sumario, casonan pa pone hende bao di curatela etc.

Esnan cu tin casonan pa entama of cu kier cuminza un caso, lo haya mas informacion na su momento.

Durante casonan publico, cu excepcion di prensa, publico no ta wordo permiti di ta presente.

Abogadonan, bishitantenan y prensa cu mester ta presente na tratamento di un caso di urgencia, ta wordo permiti di drenta e edificio solamente si nan no ta mustra sintomanan di Coronavirus, manera tosamento, keintura y problema di hala rosea.

Publico ta wordo pidi tambe pa solamente bay na e balie di corte den casonan di emergencia.

Ta bay bin tambe un limite na e cantidad di hende cu ta para den rij dilanti di un loket, como tambe un limite na e cantidad di hende cu ta wordo permiti den sala di espera.

Tur e tipo di peticionnan legal por wordo haci via email den e dos simannan cu ta bin .

E asina yama griffiegeld por wordo paga despues na e balie.

 

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.