fbpx
December 04, 2022

Gobierno tin 125 persona poni den cuarentena

Share on Facebook
Share on Whatsapp
0
0
Gobierno tin 125 persona poni den cuarentena
Gobierno tin 125 persona poni den cuarentena

Durante e conferencia di prensa di Gobierno awe merdia, a informa di tur e ultimo desaroyo relaciona cu presencia di coronavirus na Aruba.

No a menciona pashent nobo di coronavirus, pero si di e personanan poni den cuarentena. Segun Jurrette Croes, relacionista publico di Salubridad Publico, a papia di e tema di cuarentena.

E casonan positivo a keda na 4, y na mesun momento a anuncia cu tabatin 61 caso cu a test negativo mientras cu tin 125 persona den cuarentena.

Conferencia di Prensa 18 Maart 2020

Conferencia di Prensa 18 Maart 2020 cu DVG

Posted by Gabinete Wever-Croes on Wednesday, March 18, 2020

Nificacion di cuarentena y isolacion. Cuarentena ta encera un periodo di 14 dia, pasobra esaki ta e  periodo di incubacion ora cu e virus ta produci su mes den curpa di e ser humano. Bo por sintibo bon, pero bo por tin e virus den bo sistema. Ora e instancia concerni pone un persona den cuarentena propio, ta nifica cu mester bay cas y no por tin contacto. Mester separa di sociedad y famia, Croes a splica. Si ta biba den un cas cu mas hende, asina cu cuminsa sinti sintoma, bisti mask pa protege e otronan. Separa tur material cu bo ta uza, y napkin uza, tir’e di biaha afo, despues di niester. Bebe vitamina y paracetamol, bebe hopi awa.

Si cada persona den cuarentena busca contacto, por contagia un of 2 persona mas. Na otro paisnan e motibo pakico e casonan a bira explosivo, pasobra no a tum’e na serio y a keda den contacto cu otro hendenan. P’esey ta importante pa cada persona poni den cuarentena mester protege nan mes y e virus di placa. E ta keda responsabilidad di cada uno pa cumpli. E ta bira un trabou imposibel pa haci pa bay controla si tur hende ta cumpli.

Na momento cu un persona test positivo, e ta bay den isolacion y mesun medidanan menciona ta keda valido.  

Personanan di riesgo ta esnan riba 60 aña y problemanan di salud cronico, manera esnan cu tin problema di curazon, diabetis, etc. Nan ta mas vulnerabel,.

A informa tambe cu e number 2800101 ta hopi congestiona y ta buscando un otro number di contacto. Ta buscando un forma cu comunidad por manda whattsapp tambe. Preguntanan general haci esey via di e conferencia y laga e number di telefon pa potencial casonan.

Pa loke ta Arubianonan local pega den exterior y cu kier bolbe, por yama e numbernan (local 5696897  5689251 of 5637928. Of por subi riba webpage www.arubacovid19.org

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.