fbpx
December 01, 2022

Kendenan realmente ta na risico di Corona Virus COVID-19

Share on Facebook
Share on Whatsapp
0
0
Kendenan realmente ta na risico di Corona Virus COVID-19
Kendenan realmente ta na risico di Corona Virus COVID-19

ORANJESTAD,Aruba

COVID-19 ta un virus nobo cu recientemente a
keda identifica na Wuhan China den luna di december 2019. COVID-19 tambe ta
wordo yama Corona Virus pa motibo cu e ta cay bou di e famia di Corona Virus.

COVID-19 ta afecta tur hende, pero esnan mas
vulnerabel pa desaroya complicacion na pulmon y fayece acausa di esaki ta e
adulto mayor riba edad di 60 aña y tambe esnan cu ta sufri di malesanan cronico.

Bou malesa cronico nos ta referi na:

  • Problemanan
    cardiovascular
  • Obesidad
  • Problema
    di curason
  • Problema
    cu pulmon
  • Presion
    Halto
  • Diabetico
  • Esnan
    cu tin un sistema inmunologico abou pa motibo di Cancer of HIV AIDS

Den mayoria caso personanan riba 60 aña ta
sufri di un of mas malesa cronico cu ta haci cu nan ta e grupo cu mas afecta
den e pandemia aki. Esaki te motibo pakico gobierno a tuma e decicion pa stop
bishita na tur cas di cuido di nos grandinan.

Esnan riba 60 aña cu ainda ta activo Departamento
di Salud Publico ta haci un apelacion na nan pa laba man frecuentemente cu awa
y habon y evita di mishi cu wowo, nanishi y boca. Preferibel den e temporada
aki no bishita actividadnan social y nos ta encurasha familiarnan pa yuda nan
sernan stima den e periodo aki.

Lucha contra e transmicion di Corona Virus, e ta cuminsa na ABO. Si bo tin sintoma di keintura cu tosamento of problema pa hala rosea. Of bo a bin di biahe for di un pais cu tin Corona Virus COVID-19 yama 280-0101 pa ricibi instruccion.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.