fbpx
December 01, 2022

“Mester tuma instalacion di gas na serio y sigui e instruccion y recomendacionnan hopi bon

Share on Facebook
Share on Whatsapp
0
0
“Mester tuma instalacion di gas na serio y sigui e instruccion y recomendacionnan hopi bon
“Mester tuma instalacion di gas na serio y sigui e instruccion y recomendacionnan hopi bon

Director di DTI:

ORANJESTAD(AAN): Den un entrevista cu  DIARIO director di DTI Anko Koopmans a  duna un splicacion riba e instalacion di gas.

El a splica cu actualmente Arugas ta atende cu casnan residencial.

“Ora cu bo kier un boter di gas di Arugas, nan lo bin keur bo instalacion”.

“DTI ta duna un lista di instaladornan reconoci y di e lista aki bo por scoge un di nan pa haci bo instalacion di gas”, segun Koopmans.

El a splica cu Arugas tambe tin dos instalador cu por haci e trabao ey.

Segun e director,  prome cu Arugas entrega e gas, nan ta dunabo e aprobacion y eynan bo ta haya e gas cu bo tin.

“Mi sa si cu tin hopi hende cu ta purba di hacie cu e boternan chikito di gas di 25 liber, pero ta mihor pa bo busca esunnan di 100 liber cu por keda para pafo”.

“Loke nos ta encontra hopi ta cu na e apartamentonan nan ta haci uso di e boternan di 25 liber y nan ta hinke den cashi di cushina”.

“Boter di gas den cas ta un peliger masha grandi mes”.

“Si e gas leak anto no tin caminda pa scapa, e ta acumula den e cas, unda cu cualkier chispa ta bula e cas full for di otro”.

“Esey ta pone cu si tin hende den e cas, nan chens pa sobrevivi ta minimal”, segun Koopmans.

El a sigui bisa cu pesey mester tuma instalacion di gas na serio y sigui e instruccion y recomendacionnan riba unda ta mihor pa pone bo boter di gas.

Segun Koopmans Arugas ta haci diferente trabao y DTI ta sigura cu e trabao a wordo haci debidamente.

“Nos ta double check pues y nos ta audit tambe e instalacionnan residencial cu Arugas a haci”, segun e director, kende a indica cu hopi biaha DTI ta pasa na construccionnan nobo y si nan wak cu algo straño, nan ta yama hende aden y ta pone e instaladornan para responsabel.

“Si bo no haci bo trabao como instalador, bo tin cu duna cuenta na DTI kico ta pasando”, segun Koopmans.

Instalacionnan comercial di gas ta wordo haci solamente pa DTI

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.