fbpx
December 04, 2022

Minister Bruins a cay den otro durante di debate riba Coronavirus

Share on Facebook
Share on Whatsapp
0
0
Minister Bruins a cay den otro durante di debate riba Coronavirus
Minister Bruins a cay den otro durante di debate riba Coronavirus

HULANDA:  E debate den Tweede Kamer Diaranzon riba e maneho pa atende cu Coronavirus, a wordo suspendi.

Esaki despues cu minister di Cuido Medico Bruno Bruins diripiente a bira malo y a sak den otro.

El a wordo yuda y saca for di sala di Tweede Kamer.

Presidente di Parlamento  Khadija Arib mesora a suspende e reunion te mas laat, despues di palabra esaki cu e lidernan di fraccion.

Apesar di e medidanan nobo estricto manera ciere di scolnan y horeca, e yamada pa hende traha na cas y e peticion pa hende tene distancia di otro, algun partido politico ta haya cu e gabinete Hulandes mester scoge pa un ‘lockdown’ total.

Un di e temanan di e debate ta bay ta tambe riba e pakete di sosten pa companianan y empresarionan chikito cu ta cay den problema door di e Coronavirus.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.