fbpx
December 01, 2022

Minister Oduber a tuma mas medida: Tur luga ta cera 8’or anochi desde diahuebs

Share on Facebook
Share on Whatsapp
0
0
Minister Oduber a tuma mas medida:  Tur luga ta cera 8’or anochi desde diahuebs
Minister Oduber a tuma mas medida:  Tur luga ta cera 8’or anochi desde diahuebs

Minister Dangui Oduber a anuncia mas medida…. Ta teme cu e virus lo por brota lihe

Diaranzon anochi, Minister Oduber a anuncia via su pagina di facebook na pueblo di Aruba, cu el’a tuma mas medida. Mas medida ta pa mitiga e brote.

E medidanan ta pa cera tur luga pa 8.or di anochi. Supermercado, minimarket, kiosko, horeca, esta henter sector hotelero, bar, restaurant.

Loke ta keda habri ta Botica na warda, gasolinstations y drivethru di restaurantnan.

Tur casino, cinema y gyms mester cera pa 8.or di anochi. E minister a bisa cu esaki ta drenta na vigor AWE, 19 di MAART 2020.

SOLO por constata cu e ciere ta bayendo paso a paso y no ta descarta cu den algun dia lo por bay over na un ‘toque de queda’ unda ningun hende por sali di nan cas. Sea un toque de queda parcial di 6’or atardi pa 6’or mainta of un ciere completo.

Di acuerdo cu informacion cu SOLO DI PUEBLO a obtene, e medidanan aki ta wordo tuma, pasobra e candtidad di persona den cuarentena cu ayera tabata 125 ta subiendo pa 150  of mas, cual ta un cantidad halto. Maske di e ultimo aki nos no tin confirmacion oficial, pero e medida impone lo mester ta basa riba e cifranan aki. Ta pronostica cu for di e 150 personanan aki, si un 10% test positivo, esaki ta bira precupante.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.