fbpx
November 29, 2022

Por fabor sigui instruccionnan di Gobierno y DVG

Share on Facebook
Share on Whatsapp
0
0
Por fabor sigui instruccionnan di Gobierno y DVG
Por fabor sigui instruccionnan di Gobierno y DVG

Parlamentario Endy Croes:

ORANJESTAD (AAN): Parlamentario Endy Croes ta hasi un suplica na henter pueblo di Aruba pa nos no drenta panico pero sigui instruccionnan cu Gobierno y DVG ta duna atrabes di protocolnan estableci pa WHO (World Health Organisation).

Nos profesionalnan ta den contacto diario cu  expertonan rond mundo pa hunto duna gobierno e mihor consehonan pa tuma e mihor decisionnan y pasonan corecto pa frena y evita e virus aki pa plama su mes den nos comunidad chiquito.

Coronavirus a bira un pandemia y tin mundo henter den un gara nunca bisto. Parlamentario Endy Croes ta suplica nos cuidadanonan pa ban keda trankil y ban coopera y sigui tur instruccion di Gobierno.

Hunto nos lo supera e crisis mundial aki. Sumamente importante pa sigui e protocolnan estableci pa expertonan pues  “Laba man cada rato “, no duna man y pues no shake hands, no sunchi, no brasa otro, tosa den lenso of den bo elleoog y  practica “social distancing” pues no  aglomera of bay unda tin grupo di hende y preferible keda cas lo mas tanto posibel.

Si tin e siguiente sintomanan esta ta sinti malo, tos seco, of tin keintura no sali for di cas pero yama e Call Center mesora 280-0101 pa instruccion.

Parlamentario Endy Croes ta premira temponan dificil nos dilanti unda pais Aruba pero tambe tur paisnan rond mundo lo haya un sla formal economicamente pero nos mester “stand up” awor aki pa nos salud promer cu tur cos y lo demas hunto nos lo percura pa construi nos dushi Aruba bek.

Union ta hasi forsa.

Parlamentario Endy Croes ta termina bisando laga e señalnan cu nos ricibi atravez di e Coronavirus ta alimento pa nos pone bek nos Fe na promer lugar y e contacto cu nos Señor na e lugar corecto.

 

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.