fbpx
November 29, 2022

Restaurantnan mester a bira creativo y a cuminsa ofrece servicio di ‘delivery’

Share on Facebook
Share on Whatsapp
0
0
Restaurantnan mester a bira creativo y a cuminsa ofrece servicio di ‘delivery’
Restaurantnan mester a bira creativo y a cuminsa ofrece servicio di ‘delivery’

ORANJESTAD (AAN):  E situacion rond di coronavirus a crea un crisis den tur sector. Comercio ta un di e sector cu ta wordo afecta hopi pisa den e dianan aki.

Por a mira cu Coronavirus a rekeri di distanciamento social pa evita cu e malesa plama. Esaki a trece cune cu mas y mas hende a cuminsa evita di bishita lugarnan publico incluyendo restaurantnan.

Tur esaki ta a base di protocolnan internacional cu ta wordo ehecuta pa evita e contacto social y preveni cu COVID-19 propaga.

Pa e motibo ey a cuminsa ripara cu e comerciantenan mester a bira creativo y pensa riba maneranan pa sigui atende cu e clientela.

Den e dianan aki por constata cu hopi negoshi ta ofreciendo servicio di entrega na cas of na oficina. E servicio di ‘delivery’ aki ta limita e contacto social y sigur ta un opcion pa comunidad keda saludabel.

Sigur ta un bon iniciativa pa evita cu e negoshinan ta perde entrada. Al menos, esaki lo yuda pa comercio no keda na e minimo di entrada door di e perdida di clientela. Tin restaurantnan, manera esunnan cu ta parti di Aruba Wine and Dine Hospitality Group cu a bin cu e tremendo iniciativa di haci entrega (Cuminda na cas) totalmente gratis.

Den e dianan aki, mas y mas sector ta wordo afecta. Pesey ta necesario pa adapta na e momentonan di crisis y busca e manera di yuda comunidad pero tambe yuda comercio pa confronta e situacion di crisis mundial.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.