fbpx
December 08, 2022

Sint Maarten a bati alarma pa horcan coronavirus

Share on Facebook
Share on Whatsapp
0
0
Sint Maarten a bati alarma pa horcan coronavirus
Sint Maarten a bati alarma pa horcan coronavirus

Dos pais uni riba un isla chikito ta enfrenta COVID-19

 *Crisis mundial por bay topa cu e temporada di horcan 

Na tur pais bida mester sigui. Esaki tambe ta e caso pa e isla parti den dos pais. E parti Hulandes ta Sint Maarten y e parti Frances, San Martin.

Generalmente no tin mucho problema pa atende cu e realidad aki. Calamidad ta trece cambio den decisionnan cu gobiernonan mester tuma pa bienestar di e pais.

Un pakete di medida a yega San Martin for di Francia, uno di e paisnan Europeo cu for di tempran a conoce e progreso di COVID-19 y a cera su portanan pero tambe entradanan grandi cu e pais ta ricibi na turismo entre otro.

San Martin no ta diferencia di su madre patria Europeo. Na momento cu orden a drenta pa e cera su portanan pa asina evita e peliger di e coronavirus nobo, el a despedi di entradanan importante na e pais.

Bida a cambia na San Martin, cu habitantenan cu no por subi caya ni pa haci compra sin un permiso special. Cada asunto special cu ta permiti nan subi caya, ta exigi tambe un permiso cu por baha dor di computer.

Un pakete di medida separa a wordo tuma na Sint Maarten, cu a conoce e prome caso oficial di COVID-19 na momento cu e gobierno ya a dicidi pa cera portanan di e pais y tuma medidanan drastico pa evita e malesa plama.

Informacionnan cu ta sali for di St. Maarten/San Martin, ta presenta un realidad di paisnan den Caribe cu tur aña mester tene cuenta cu e temporada di horcan. Esaki a haci e preparacionnan na e pais mas facil.

“Prepara pa COVID-19 ta pa Sint Maarten un preparacion ora alarma wordo bati pa horcan. Nos ta prepara nos paketenan, nos ta prepara pa suspenso, nos ta prepara pa peliger. Nos mester drenta isolacion na momento di horcan tambe y nos mester cera nos mes den cas pio cu ta e caso cu e coronavirus nobo, “un miembro di comunidad di Sint Maarten a splica.

Pa cuanto tempo e isla ta prepara? E comunidad no ta na haltura. E por ta un tempo cu ta bay topa cu e temporada di horcan cu lo por hinca region di Caribe den un problema serio.

Ya ta analisa fondonan pa cubri e resultadonan di COVID-19.  Mester tene na consideracion cu na Juni mester tin fondo prepara pa inicio di temporada di horcan.

Economia a cay na e isla di dos pais na e parti Noord di Caribe. E isla di origen di hopi Arubiano siglo pasa, ora migracion tabata uni pueblo cu awe mester isola.

 

 

 

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.