Posted on 03/19/2020 11:33 am AST | Updated on 03/19/2020 11:37 am AST
ORANJESTAD – Tin aparato ‘extra’ pa ‘hala rosea’ den e camber di cuido intensivo, esta ICU na Hospital Horacio Oduber. E Infectioloog/internista di hospital, dr Roodenburg a splica diahuebs durante e conferencia di gobierno riba coronavirus cu ‘normalmente’ tin 5 pa 7 ‘respirators’, esta e machine pa hala rosea. Pero den e caso aki, e ekipo di ICU a cambia esaki y a aumenta e capacidad pa entre 12 pa 16 pashent di coronavirus cu por wordo poni pareu na un respirator. Fuera di esaki tin lugar pa pashentnan regular tambe por ta den ICU cu mester machine, pero cu no ta contagia cu e virus.
