ORANJESTAD (AAN): E aña aki e certamen di Miss Aruba Universe 2020 a socede virtualmente, y tabatin cinco candidata cu a inscribi.
Nan a pasa den proceso di ‘screening’ cu diferente sesion di pregunta.
Diaranzon anochi, Star Promotion a divulga durante un evento na Azia Cocktail Lounge, cu e dama Helen Hernandez ta wordo corona como Miss Aruba Universe 2020.
E dama di 20 aña di edad ta traha pero ta studiando alavez, y ta procedente di distrito di Noord.
E corona di ex-Miss Aruba, esta Danna Garcia a wordo pasa over, y Ministro di Cultura Xiomara Maduro a corona e reina nobo, cu na Februari 2021 lo representa Aruba na certamen di Miss Universe, cu kizas lo ta na Miami.
