February 24, 2021

Parlamentario Rocco Tjon (MEP): Un reunion fructifero cu SIWA riba entre otro LNG

Share on facebook
Share on Facebook
Share on whatsapp
Share on Whatsapp
0
0
Parlamentario Rocco Tjon (MEP): Un reunion fructifero cu SIWA riba entre otro LNG
Parlamentario Rocco Tjon (MEP): Un reunion fructifero cu SIWA riba entre otro LNG

Awe tardi hunto cu Colega di fraccion di MEP, Endy Croes, nos a reuni cu Sr. Henriquez y Sr. Maduro di sindicato SIWA.

Reunion cu siwa

Nos a intercambia di pensamento riba diferente topico. Entre otro a duna un splicacion amplio riba e proceso cu a wordo encamina pa loke ta e proyecto di LNG. Banda di a toca e proceso tambe a brinda SIWA un splicacion amplio riba e constelacion di e team di experto cu a conseha Gobierno y RDA pa cu e REOI.

Nos ta wak bek riba un reunion sumamente positivo den cual e beneficionan y balor agrega di e proyecto aki pa Aruba a keda accentua. Nos lo sigui den contacto pa asina anos y SIWA keda bon informa.

Balor agrega di e proyecto

Nos ta papia ki nan di un proyecto cu lo crea alrededor di 150 cupo di trabou y un inversion di mas di 150 miyon dollar. Ora bo papia cu comerciantenan nan ta splica bo cu nan dolor di mas grandi ta e prijs di awa y coriente cu ta haci’e costoso pa opera. Pues si e inversion aki den nos economia por crea cupo di trabou y na mes momento baha prijs di awa y coriente e lo ta un balor agrega significante pa Aruba. Banda di esaki tambe lo bo haci Aruba mucho mas atractivo pa inversionistanan.

Pa conclui

E proyecto aki ta encera construccion di un planta di gas y tanki, y un “bunkerstation”. Banda di esey lo nifica cu lo exporta LNG pa nos region, creando entrada pa pais Aruba. Pero tambe si logra concretisa re-apertura di nos refineria, esaki lo bay wordo opera riba gas.

 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.