February 26, 2021

Cantidad di persona hospitalisa pa Covid ta aumenta na 20

Share on facebook
Share on Facebook
Share on whatsapp
Share on Whatsapp
0
0
Cantidad di persona hospitalisa pa Covid ta aumenta na 20
Cantidad di persona hospitalisa pa Covid ta aumenta na 20

Segun resumen diario di Departamento di Salubridad Publico DVG relaciona cu e pandemia di Covid-19 na Aruba, ayera por a nota cu cantidad di persona hospitalisa pa ricibi cuido adicional pa e malesa a aumenta.

Den e resumen di DVG, Hospital Dr. Horacio Oduber a informa cu tabatin un total di 20 persona interna. Di esakinan, 5 ta den Unidad di Cuido Intensivo mientras cu 15 ta isola riba unidad general di covid. E edad promedio di persona ingresa pa cuido adicional na hospital ta 63 aña.

Ademas, DVG a informa cu e cantidad di caso activo ayera tabata 260, despues cu ayera 38 persona a recupera. Tambe a registra un total di 18 caso nobo di Covid-19, e malesa causa pa e coronavirus SARS-CoV-2, y di esakinan 6 no ta residente. E cifra di no-residente positivo ta encera esnan no-residente cu ta test na aeropuerto na nan yegada y na laboratorionan prome cu nan bandona Aruba. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 549 test. ‘Postivity rate’ entre nos residentenan ta 16%.

E cantidad di fayecido no a conoce aumento y a keda na 71.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.