February 26, 2021

Contagio aumentando di nobo na Hulanda: averahe diario mas di 4mil

Share on facebook
Share on Facebook
Share on whatsapp
Share on Whatsapp
0
0
Contagio aumentando di nobo na Hulanda: averahe diario mas di 4mil
Contagio aumentando di nobo na Hulanda: averahe diario mas di 4mil

Ayera, agencia di salubridad publico di Hulanda, RIVM a reporta 4,217 infeccion cu coronavirus, treciendo e cifra averahe semanal riba 4mil pa prome biaha desde dia 2 di februari.

Durante ultimo shete dia, e cantidad di test positivo a aumenta cu 23.8%, pero e proporcion di test cu ta detecta un infeccion a cay bao di 10% pa prome biaha desde september.

Den ultimo dos siman a reduci e cantidad di test pa motibo di e clima severo di winter, cu a conduci na ceramento di facilidadnan y hende dicidiendo pa keda cas na luga di reporta pa un test. Awo ta resolviendo e atraso y nivelnan di test ta back na lo normal, e red di hunta di salud local a bisa NU.nl.

E cantidad di hende den hospital pa coronavirus a aumenta di 1,849 na 1,908 ayera, mientras 561 persona actualmente ta ricibiendo tratamento den Unidad di Cuido Intensivo, un aumento di 27. E cantidad di admision nobo den hospital a aumenta di 126 diadomingo na 135.

A registra otro 32 morto di coronavirus, mientras e averahe semanal tabata 59. E cifra a nivela alrededor di e marca di 60 durante ultimo dos siman.

Ainda ta mirando reduccion di infeccion na casnan di cuido, cu 461 instituo reportando un caso den ultimo dos siman, compara cu 494 un siman atras.

 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.