February 24, 2021

Daft Punk ta separa despues di 28 aña

Share on facebook
Share on Facebook
Share on whatsapp
Share on Whatsapp
0
0
Daft Punk ta separa despues di 28 aña
Daft Punk ta separa despues di 28 aña

Pioneronan di musica electronico ganador di premio Grammy, Daft Punk a anuncia cu nan ta separando despues di 28 aña.

E duo Frances, conoci pa bisti helmet, a comparti e noticia ayera den un video di 8 minuut titula ‘Epilogo’. Kathryn Frazier, e publicista di e banda, a confirma e ruptura pa AP.

Daft Punk, consistiendo di Thomas Bangalter y Guy-Manuel de Homem-Christo, tin exitonan mayor durante añanan, ganando seis Premio Grammy y lansando hitnan internacional cu ‘One More Time’, ‘Harder, Better, Faster, Stronger’, y ‘Get Lucky’.

Bangalter y De Homem-Christo a conoce otro na un scol na Paris na 1987. Prome cu Daft Punk, nan a forma un banda di rock indie yama Darling.

Oficialmente nan a forma Daft Punk na 1993, y e musiconan misterioso, mudo, cu helmet, a lansa nan album debut ‘Homework’ na 1997. Prome nan a haya exito cu e hit internacional ‘Da Funk’, cu a yega den top di clasificacion dance den Billboard y a duna nan e prome nominacion pa Grammys. Un segundo hit No. 1 y nominacion Grammy a yega cu ‘Around the World’.

Daft Punk a pasa tempo den tour rond mundo y a alcansa exito cu nan album ‘Discovery’ na 2001. E tabata inclui e smash infeccioso ‘One More Time’ y ‘Harder, Better, Faster, Stronger’, cual famosamente Kanye West a flip den su propio hit ‘Stronger’ lansa na 2007. Esaki a gana West e Grammy pa miho presentacion rap solo na 2008, unda West y Daft Punk a presenta hunto riba escenario.

Un aña despues, un version en bibo di ‘Harder, Better, Faster, Stronger’ a gana pa Daft Pubk e Grammy pa miho grabacion dance – nan prome victoria – y nan album ‘Alive 2007’ a gana miho album dance/electronica.

Pero tabata na e Grammys di 2014 unda Daft Punk realmente a ricibi e spotlight, ganando album di aña pa ‘Random Access Memories’ y skirbiendo historia como e prome grupo electronico pa gana e honor di mas halto na e Grammys. E duo a gana cuatro premio e anochi ey, incluyendo record di aña pa nan hit ‘Get Lucky’, cu participacion di Pharrell Williams y Nile Rodgers.

A regarda ‘Random Access Memories’ como un album doblando genero, destaca pa su mescla di instrumentacion en bibo, zonido disco, funk, rock, R&B y mas. Rolling Stone a dun’e No. 295 riba su lista di ‘500 Miho Album den Historia’ aña pasa.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.