February 26, 2021

Ministernan gabinete Wever-Croes a tuma vacuna

Share on facebook
Share on Facebook
Share on whatsapp
Share on Whatsapp
0
0
Ministernan gabinete Wever-Croes a tuma vacuna
Ministernan gabinete Wever-Croes a tuma vacuna

Awetardi 22 di februari ministernan Xiomara Maduro, Dangui Oduber y Minister President Evelyn Wever-Croes a tuma e vacuna di Pfizer contra COVID-19 na Centro Deportivo Libertador Betico Croes, y asina a duna ehempel n’e rest’i pueblo pa sigui nan paso. Manera protocol pa cualkier otro persona, nan tawata sinta y a wordo atendi door di verpleegster cu a desinfecta y despues injecta e hangua den parti ariba di e brasa. E proceso ta basta lihe y simpel.

Minister president Evelyn a comenta: “Cu esaki nos kier mustra cu nos tambe ta vacuna pa Aruba por progresa. Por cierto, mi no a sinti ningun dolor. Mi ta hopi contento di por aporta na recuperacion di nos pais.” 

Minister Oduber tambe a comenta: “Mi a tuma e vacuna pa proteha mi mes, cuida mi mes, mi famia y yuda crea e inmunidad cu ta asina importante pa nos pais. E no a haci dolor, mi ta sintimi hopi bon y agradecido di por a tume.” y minister Xiomara a agrega den un frase: “Awe mi a vacuna pa proteha mi mes y mi sernan stima, pa duna ehempel y pa crea e inmunidad neceasario pa reactiva economia di mi pais.”

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.