fbpx
May 06, 2021

Ni maske kico pasa no por hala otro na conopi

Share on facebook
Share on Facebook
Share on whatsapp
Share on Whatsapp
0
0
Ni maske kico pasa no por hala otro na conopi
Ni maske kico pasa no por hala otro na conopi


A pidi presencia di polis na Jan Flemming pa un pelea grandi. Na prome instante a informa cu tabata trata di por lo menos 5 persona den pelea formal cu un persona.

Esaki a sosode den careda di 9:00AM pero na momento cu polis a presenta, e pelea lo a caba.

Na sitio a haya declaracion di partidonan presente. Tabata trata di un tata y su yiu homber. Situacion tabata basta tenso ainda entre nan dos, un discucion familiar caminda cu nan dos a bay halto cu otro. Un intermediacion basta largo di parti di e polisnan pa trece trankilidad bek aunke no tabata fasil.

E yiu homber ainda tabata bastante altera y pa evita cualkier agresion adicional a conseha e tata pa bandona sitio y laga e situacion calma. A papia fuerte cu e yiu recordando e cu ni maske cuanto diferencia di opinion por tin, na final di dia esaki tabata su tata.

Prome cu bandona sitio, polis a duna un advertencia cu si acaso mester regresa lo pasa na detencion. 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.