February 26, 2021

Sin registracion y analisis no por determina e.o. efectividad di vacuna

Share on facebook
Share on Facebook
Share on whatsapp
Share on Whatsapp
0
0
Sin registracion y analisis no por determina e.o. efectividad di vacuna
Sin registracion y analisis no por determina e.o. efectividad di vacuna

Tin varios vacuna contra Covid-19, pero esunnan mas conoci ta: BNT162b2 (Pfizer-BioNTech) Moderna y AstraZeneca. Pero tin ocho vacuna contra Covid usa rond di mundo.

Ademas tin un cantidad di vacuna mas cu ainda ta den diferente fase di elaboracion, prome cu nan ta subi mercado mundial cumpliendo cu tur e rekisitonan riguroso cu elaboracion di un vacuna ta exigi. Na final y danki na estudionan cu ta tumando luga durante e vacunacion, nan lo mester demostra cual ta e miho di nan, segun microbiologo Dr. Wilmer Salazar di DVG.

P’esey e ta considera importante e registracion, caminda e pashent cu kier vacuna ta duna aprobacion cu su datonan anonimo lo wordo usa como parti di analisis di salud publico. E ta bira parti di analisis di salud publico di DVG riba Covid-19. E condicion aki a bira controversial, ya cu ta trata di datonan di e pashent.

Dr. Salazar a splica cu di un banda un empleado publico cu ta traha riba tereno di salubridad tin un huramento di confidencia. E personal cu ta traha den e area di vacunacion tambe mester cumpli cu e parti aki di confidencia relaciona cu tur dato di e pashent.

Di otro banda no mester lubida cu e virus di Covid ta uno nobo, y mundo cientifico mester tin un bista di tur situacion cu ta wordo presenta na Aruba tambe. Un di nan tin di haci cu efecto di proteccion di e vacuna. Tambe esun di siguridad di e vacuna. Pero tambe, con ta bayendo cu e pashent. P’esey nan mester di un registro.

“Si nos no tin un registro nos no por determina si e vacuna ta funcionando of no,” el a declara na Bon Dia Aruba.

E registracion y analisis ta un aspecto importante pa e parti epidemiologico di salud publico. Ya cu pa DVG por bin cu programa di prevencion, proyeccion, evaluacion y monitor, nan mester di e data di e pashent. Analisis di data ta un instrumento fundamental riba maneho di salubridad publico.

El a trece dilanti cu si nos no tin data por ehempel di e cancer di matriz cu a subi hopi, dificilmente nan no por a haci niun tipo di programa di prevencion, control, etc… Pero fundamentalmente con nan por controla e malesa aki.

P’esey el a considera importante pa esnan cu ta haci nan registracion via app pa atende cu e formulario. Alomenos nan mester atende cu informacion basico pa asina nan por evalua y monitor tur efecto cu e vacuna lo por tin, sea bon of malo. Te hasta incluyendo e infeccion di Covid cu ta afecta nos comunidad y mundo henter.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.