ORANJESTAD (AAN): Cuerpo di Polis a duna di conoce cu Diadomingo anochi pa mas o menos 7:50 central di polis a wordo informa cu un rato prome den caya grandi di San Nicolas na altura di Baranca Bar un hende lo a wordo tira den pia.
Na yegada di patruya por a bin compronde cu un persona aparentemente lo a tira un boter riba un auto pasando y e ora e chauffeur di e auto lo a sali di dicho auto y tira e persona aki den pia.
Un rato despues Central di Polis a wordo notifica door di personal di ImSan cu un persona lo a yega eynan cu un tiro den pia.
Di biaha a manda Polis Tecnico y Recherche na e sitio di e sucedido y tambe a notifica Departamento di Slachtofferhulp.
Polis ta haci un peticion na esnan cu por sa algo of a wak algo pa yama e tiplijn di polis.
