February 26, 2021

Diabierna ta fecha final pa entrega bo Aangiftebiljet 2019

Share on facebook
Share on Facebook
Share on whatsapp
Share on Whatsapp
0
0
Diabierna ta fecha final pa entrega bo Aangiftebiljet 2019
Diabierna ta fecha final pa entrega bo Aangiftebiljet 2019

ORANJESTAD (AAN): Tur hende a haya un extension basta amplio.  Awor si e deadline ta yegando.  Departamento di Impuesto ta participa cu e fecha final pa entrega e formulario di declaracion di inkomstenbelasting 2019 ta dia 26 di Februari 2021.

   Manera conoci, Departamento di Impuesto a otorga e formulario menciona dia 1 di september 2020 na tur contribuyente cu ta registra pa inkomstenbelasting. E termino legal pa entrega e declaracion tabata 2 luna.

   Sinembargo Departamento di Impuesto a duna 3 luna mas di tempo; pues en total e contribuyentenan a haya 5 luna di tempo pa completa e declaracion di inkomstenbelasting y entrega esaki.

   Entrega e declaracion:

   Pa entrega e declaracion mester acudi na e oficina principal na Camacuri y pasa na e balie di recepcion. E contribuyentenan cu ta entrega mas cu 3 formulario mester haci un cita via www.impuesto.aw.

   Riba e pagina principal di e website ta scoge “Afspraak maken” y despues ta scoge “Indienen aangifte inkomstenbelasting en/of winstbelasting” pa haci e cita online.

   Ta recomendabel pa trece copia di e formulario na momento di entrega esun original.

   Yena y entrega e formulario di declaracion ta un obligacion legal. Ademas pa medio di e declaracion, e contribuyente ta haya e oportunidad pa declara loke realmente el a ricibi na entrada durante aña 2019. Alavez e ta haci uzo di su derecho di deduci su gastonan.

   Door di yena y entrega e formulario na tempo, e contribuyente ta evita cu e ta haya un aanmaning y posiblemente un cobransa (taxativo) cu boet.

  E boet ta 5% di e suma di impuesto cu minimo di Afl. 250 y maximo Afl. 10.000. Cumpliendo na tempo, e contribuyente por evita e sancion aki.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.