fbpx
July 30, 2021

Minister Dangui Oduber ta encurasha mas ciudadano, vooral 60 plus pa registra y vacuna

Share on facebook
Share on Facebook
Share on whatsapp
Share on Whatsapp
0
0
Minister Dangui Oduber ta encurasha mas ciudadano, vooral 60 plus pa registra y vacuna
Minister Dangui Oduber ta encurasha mas ciudadano, vooral 60 plus pa registra y vacuna

ORANJESTAD (AAN) — Minister Dangui Oduber, como titular di Salud Publico, a uni su voz na di Prome Minister, pa tambe a haci un yamada na comunidad, specialmente esnan 60 aña bay ariba y e grupo di riesgo, si nan no a registra ainda download e app: “Aruba health app” of nan por bay na un MFA.

            “Te na e momentonan aki nos tin mas of menos 5 mil persona riba 60 aña cu ya caba a pre-registra pa haya e vacuna. E ta hopi importante pasobra e vacunanan cu nos a ricibi ta pa e dos gruponan, specialmente, e dunadornan di cuido y esnan riba 60 aña”, e mandatario a reitera.     

            E vacunacion aki no ta solamente pa Aruba recupera su economia pero pa scapa bida di hende. “E ta proba cientificamente, y nos por mira e resultadonan na Israel, unda 98% di e poblacion a haya e vacuna y ningun di nan a bira malo ni mester a wordo hospitaliza.

            Kiermen, e vacuna tin su resultado positivo y pesey nos ta asina empeña den e campaña aki, pa concientiza, educa y stimula mas y mas hende pa tuma e vacuna aki, pasobra e resultadonan ta bisto na otro pais na mundo.

            Na Aruba tambe, desde cu nos a cuminza vacuna no tin ni un ‘side effect’ cu comunidad lo mester ta preocupa cune”, Minister Dangui Oduber a conclui.

 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.