February 26, 2021

Pa motibo cu a detecta 14 caso di variante britanico gobierno no ta flexibiliza e medidanan

Share on facebook
Share on Facebook
Share on whatsapp
Share on Whatsapp
0
0
Pa motibo cu a detecta 14 caso di variante britanico gobierno no ta flexibiliza e medidanan
Pa motibo cu a detecta 14 caso di variante britanico gobierno no ta flexibiliza e medidanan

Minister Presidente:

ORANJESTAD (AAN) – Den conferencia di prensa, cu a tuma lugar den Teresita Center, en ocasion di e prome dia di vacunacion di vacuna contra Covid-19 na San Nicolas, pa personanan 60 plus, Prome Minister mr. Evelyn Wever-Croes a referi na e hecho cu e casonan activo a aumenta di siman pasa pa e siman aki, di 272 pa 286 caso.

Esaki ta un aumento di 14 persona y e ta mas den nos residentenan pasobra bao no residentenan a keda mas of menos igual: di 66 pa 67 caso, e dignatario a splica.

Den e casonan nobo pa dia e average a subi di 29 pa 37 y e “positivity rate” tambe a aumenta un tiki. Minister Presidente a comenta cu na Aruba nos tin e variante britanico, cu te aworaki tin 14 caso cu a wordo constata na nos Isla.

Den su totalidad e aumento di 272 pa 286 caso ta nifica 14 caso so, mas. Pero tin indicadornan cu Aruba ta den un crecemento leve y esey ta haci cu nos comunidad mester ta extra cauteloso.

“Si no tabata pa esaki, ya nos tabata tin pensa di flexibiliza e medidanan cu tin, pero debi na esaki nos  no ta bay hacie aworaki. Nos kier concentra riba e vacunacion; nos kier hacie mas accesible posible pa tur hende yega na e vacuna. Nos tin confianza cu ora gran parti di e poblacion vacuna, e ta baha e efecto; e ta baha e cantidad di hendenan cu ta bira malo y e cantidad di hendenan na Hospital”, Prome Minister a señala.

 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.