February 26, 2021

Te Diaranzon lo vacuna 300 persona pa dia, Diahuebs 600 y otro siman entre 800 pa 1000

Share on facebook
Share on Facebook
Share on whatsapp
Share on Whatsapp
0
0
Te Diaranzon lo vacuna 300 persona pa dia, Diahuebs 600 y otro siman entre 800 pa 1000
Te Diaranzon lo vacuna 300 persona pa dia, Diahuebs 600 y otro siman entre 800 pa 1000

Minister Dangui Oduber:

ORANJESTAD (AAN) – Minister di Salud Publico, Turismo y Deporte, Dangui Oduber, a hiba palabra relaciona cu e vacunacion pa 60 plussers, cu a tuma lugar na Teresita Center den e Distrito di San Nicolas, Dialuna cu a pasa.

Durante e conferencia di prensa di prensa, Minister Oduber a reitera locual Prome Minister a bisa. Cu e Dialuna aki tabata un dia hopi importante pa Aruba, na momento cu gobierno a cuminza cu e campaña di vacunacion pa e grupo di 60 y mas aña.

E dignatario a expresa: “E grupo di riesgo ta e grupo di mas importante pa nos percura pa suministra e vacuna; esaki ta e grupo cu, door di e experiencia cu nos tin desde e aparicion di Covid-19 na Maart 2020, casi 90% di e casonan ta wordo hospitaliza, ta esnan cu ta core mas riesgo y tambe esnan cu tin mas posibilidad di fayece”.

E dignatario a acentua cu ya caba mas di 70 persona a fayece door di Covid-19 na Aruba. Mayoria di e casonan aki, el a subraya, ta personanan di 70 aña y conforme gobierno su strategia y su plannan, tin programa segun schedule, cu Dialuna a habri dos localidad pa prik. Un na Santa Cruz y e otro na Teresita Center na San Nicolas.

“Manera ta conoci, nos tin cuater localidad pa nos duna vacuna. E otronan dos ta Club Don Bosco na Noord y DGP Education Center. Segun e plannan cu nos tin, entrante 1 di Maart nos lo tin tur cuater localidad operacional”, Minister Dangui Oduber a duna di conoce.

E mandatario a bolbe splica cu, oficialmente, gobierno a cuminza cu e campaña di vacunacion pa esnan 60 plussers, y pesey su persona y Prome Minister a haya asina importante pa ta presente, wak y observa con esaki ta bay y e posible efectonan secundario cu tin. Minister di Salud a expresa cu den e mas di mil persona cu a vacuna caba, e resultadonan ta hopi positivo y exitoso.

“No tin ningun preocupacion di esnan cu a haya e vacuna, desde cu nos a cuminza cu e campaña Diaranzon ultimo, cu nos a cuminza na Club Don Bosco, y conforme nos strategia nos a duna nos cuidadornan di cuido e ultimo dianan di Diahuebs pa Diadomingo pa vacuna”, e mandatario a trece dilanti.

El a reitera cu ora e cuater localidadnan ta den operacion, lo vacuna entre 800 pa 1000 persona pa dia. “E siman aki nos lo bay yega na un average di 300 persona pa dia, di Dialuna te Diaranzon; Diahuebs, lo aumenta na 600 persona pa dia y dia 1 di Maart ora tur cuater localidad ta habri lo sigui cu otro gruponan y lo yega entre 800 pa 1000 persona pa dia.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.