February 24, 2021

Tres Minister di Gabinete Wever-Croes a haya e prome dosis di vacuna contra COVID-19

Share on facebook
Share on Facebook
Share on whatsapp
Share on Whatsapp
0
0
Tres Minister di Gabinete Wever-Croes a haya e prome dosis di vacuna contra COVID-19
Tres Minister di Gabinete Wever-Croes a haya e prome dosis di vacuna contra COVID-19

ORANJESTAD (AAN): Dialuna atardi den Centro Libertador Betico Croes, Ministernan di Gabinete Wever-Croes a haya nan prome dosis di vacuna contra COVID-19.

Minister Presidente Evelyn Wever-Croes, Minister Dangui Oduber y Minister Xiomara Maduro a bisti un t-shirt color blauw cu tabata bisa ‘Ban Vacuna pa Aruba por progresa’ y nan tabata mustra nan animo pa ricibi e vacuna. Alaves nan ta encurasha poblacion pa registra y haya e vacuna pa Aruba por regresa mas lihe posible na normalidad.

Minister Dangui Oduber a bisa cu e tabata contento di por a haya e vacuna y despues di reunion di Conseho di Minister a dicidi cu 3 Minister lo tuma e vacuna. Sigur mas den siman, mas minister tambe lo vacuna. E Minister Oduber a bisa cu por lo menos 1.300 persona a vacuna caba y Departamento di Salud no a registra ningun efecto secundario grave, mayoria a indica cu nan braza a lanta poco stijf.

Minister presidente a bisa cu nan kier stimula mas hende pa vacuna y lo tin suficiente vacuna pa tur hende.  El a enfatiza cu e servicio a bay super bon y e vacuna no a haci dolor.

Minister Xiomara Maduro a gradici su coleganan y equipo cu ta trahando den campaña di vacunacion. El a splica cu un delegacion di IMF a indica cu un punto positivo pa Aruba ta e campaña di vacunacion y esaki lo bira un punto importante pa recuperacion economico di nos isla.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.