February 26, 2021

Vacuna contra Covid-19 ta reduci mortalidad

Share on facebook
Share on Facebook
Share on whatsapp
Share on Whatsapp
0
0
Vacuna contra Covid-19 ta reduci mortalidad
Vacuna contra Covid-19 ta reduci mortalidad

ORANJESTAD (AAN):   Mas y mas datonan ta saliendo pa loke ta e beneficio di vacuna e poblacion contra Covid-19.

Un ehempel di esaki ta e hecho cu e Ministerio di Salud di Israel a registra un reduccion di 98.9% den e mortalidad pa Covid-19 entre esnan cu a ricibi e di dos dosis di e vacuna di Pfizer den por lo menos dos siman pasa.

Aunke no a specifica cuanto persona a wordo considera den e calculo di cifranan, si a splica cu e comparacion a wordo realisa entre personanan cu a ricibi e vacuna dos siman pasa y esnan cu no a ricibi e vacuna ainda.

Ademas di e notabel reduccion den e mortalidad, e entidad a identifica un disminucion di e 99.2% den e cifra di casonan grave di e malesa y di un 98.9% den e number di pashentnan interna a causa di e virus.

Banda di esaki, tambe nan a sigura cu e cantidad di contagionan entre esnan cu a vacuna a baha den un 95.8%, mientras cu e cifra di pashentnan cu a presenta fiebre of sintomanan respiratorio a baha den un 98%.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.