fbpx
April 16, 2021

Hunga Teca a hiba muchanan pa Ban pasa pret

Share on facebook
Share on Facebook
Share on whatsapp
Share on Whatsapp
0
0
Hunga Teca a hiba muchanan pa Ban pasa pret
Hunga Teca a hiba muchanan pa Ban pasa pret


A keda comproba cu den e temporada di pandemia esunnan cu ta pasa mas stress y ta mas vulnerabel ta mucha y hoben, specialmente esunnan cu tin poco espacio y recurso. Stichting Hunga Teca, un fundacion cu e meta pa fia mucha co’i hunga y wega educativo, tabata cera pa motibo di pandemia, pero no a sinta keto.

A entrega un peticion pa un proyecto yama “Ban pasa pret” na Heutink Foundation, pa ofrece muchanan oportunidad di sali for di nan ambiente di tur dia un rato y gosa, pasa pret na un manera cu ta promove un desaroyo sano pa mucha. E proyecto ta encera un mainta sea den naturalesa, un parke di hunga, bishita e luga cu ta cuida buriconan etc., contal cu e ta un ambiente sano y educativo.

Den e simannan venidero 16 grupo consistiendo di cada biaha 15 mucha lo haya oportunidad pa bay keiro y pasa pret cu Hunga Teca. Diasabra 20 di februari e prome grupo di mucha a bay Parke Nacional Arikok. Eynan, bao guia profesional di Ranger Salvador, un persona cu hopi conocimento di historia, geologia, flora y fauna di Aruba, a hike cu e muchanan y siña un cantidad di cos cu algun no tabata sa y algun a siña na scol y awor a experiencia kico e ta.

Ranger Salvador, cu su experticio, conocemento y pasenshi ta anda asina bon cu mucha, cu e ta un joya pa e parke. Despues di e hike e muchanan a haya un lunch saludabel y balansa.

Transportacion tabata den man di Allan Goede cu a hiba y trece e muchanan sano y salvo. Hunga Teca ta gradici Heutink Foundation di Hulanda, cu ta patrocina e proyecto aki; nos boluntarionan cu ta duna amor, energia y tempo; Zaya cu a duna nos e confiansa pa hiba “su muchanan”; Lisa, un mama dedica cu a compaña nos maske cu el a traha te 11:00am di e dia anterior; Parke
Nacional Arikok pa e oportunidad, ranger Salvador pa e guia excelente y Allan Goede pa e transporte sigur.

Share on facebook
Share on Facebook
Share on whatsapp
Share on Whatsapp
0
0

Tuma parti na e prome edicion di Encuesta pa Eleccion 2021.

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.