fbpx
April 16, 2021

30 persona hospitalisa pa Covid-19

Share on facebook
Share on Facebook
Share on whatsapp
Share on Whatsapp
0
0
30 persona hospitalisa pa Covid-19
30 persona hospitalisa pa Covid-19

Mientras cu ayera Bon Dia Aruba a publica un relato destacando e hecho cu e cantidad di persona den hospital – como tambe e cantidad di fayecido – pa Covid-19 ta den aumento e luna aki, resumen di DVG di ayera ta indica cu e cantidad di persona den hospital pa e malesa a alcansa 30.

Departamento di Salubridad Publico, DVG, a informa ayera cu segun nan resumen, 58 persona a recupera di e malesa. Ademas a registra un total di 29 caso nobo, di cual uno solamente no ta residente. E cifra di no-residente positivo ta ensera esnan no-residente cu ta test na aeropuerto na nan yegada y na laboratorionan prome cu nan bandona Aruba.

E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 663 test. ‘Postivity rate’ entre nos residentenan ta 14%.

E casonan activo ayera tabata 239, mientras e cantidad di fayecido no a conoce aumento, kedando na 71.

Di e personanan cu ta interna den hospital pa ricibi cuido special pa Covid-19, ocho ta den Unidad di Cuido Intensivo, mientras 22 ta isola riba unidad general di Covid. Edad promedio di esnan ingresa pa extra cuido ta 63 aña.

Ademas, DVG a informa cu tin un total di 18,822 persona registra pa ricibi nan vacuna y 2,935 persona vacuna caba.

Share on facebook
Share on Facebook
Share on whatsapp
Share on Whatsapp
0
0

Tuma parti na e prome edicion di Encuesta pa Eleccion 2021.

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.