fbpx
April 16, 2021

Persecucion grandi tras di march cu cinco hoben polis a logra garanan

Share on facebook
Share on Facebook
Share on whatsapp
Share on Whatsapp
0
0
Persecucion grandi tras di march cu cinco hoben polis a logra garanan
Persecucion grandi tras di march cu cinco hoben polis a logra garanan


Diamars mainta patruya policial a duna chauffeur di un nissan march señal pa para den area di Noord y e chauffeur no a para y a hisa velocidad. Den e auto tabatin cinco persona. E chauffeur tabata subi acera baha caminda bek, bula seronan di santo bay direccion di Sabana Liber pa Alto Vista pasa Sero Janchi pa despues bay patras di e veld di Kudawecha.
Auto ta accidenta na Moko

Riba caminda di santo e chauffeur a perde control dal den cura di cas. Eynan e cinco hobennan a bula manera raket for di e auto y core bay. A start un persecucion na pia unda den e residencia di Moko a logra detene e prome hoben debi na herida na su pia e no a yega leu.

Prome sospechoso deteni

Varios polis a participa na e persecucion aki, tanto Polisnan di Playa, Noord, Recherchenan y demas unidad. Durante buskeda a logra di detene e di dos hoben cu tabata na caminda pa drenta un mondi. El a te hasta resisti un rato.

Di dos detencion.

E buskeda a sigui den residencia di Moko a logra di detene e di tres hoben pa despues e di cuatro, debi e di cinco a huy den mondi.

E di cuatro hoben deteni durante buskeda.

Polis di trafico a presenta na e sitio y a haci nan investigacion riba e march y a laga tuma e vehiculo den beslag. Un bon trabou na tur e polisnan di diferente districto cu a participa na e persecucion estilo pelicula.

Share on facebook
Share on Facebook
Share on whatsapp
Share on Whatsapp
0
0

Tuma parti na e prome edicion di Encuesta pa Eleccion 2021.

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.