fbpx
April 16, 2021

Aruba a surpasa 40.500 persona registra pa vacuna y mas di 22.500 persona ya vacuna

Share on facebook
Share on Facebook
Share on whatsapp
Share on Whatsapp
+1
0
Aruba a surpasa 40.500 persona registra pa vacuna y mas di 22.500 persona ya vacuna
Aruba a surpasa 40.500 persona registra pa vacuna y mas di 22.500 persona ya vacuna

Crisis Team ta informa cu e campaña di vacunacion ta bayendo hopi bon y e cantidad di persona cu a registra pa vacuna y di esnan ya vacuna ta subiendo. Durante di e dia di ayera a surpasa e cantidad di 40 mil persona registra pa vacuna cual ta representa alrededor di un tercera parti di nos poblacion. No ta falta hopi cu nos lo por ta yegando e mita di e poblacion cu lo ta registra pa haya vacuna. E cantidad di personanan vacuna tambe ta subiendo cada dia na Aruba. Ayera a surpasa e candidad di 22.500 persona vacuna y mas di 10.946 cu ya a ricibi e di dos vacuna.

Na Aruba te cu awe pues tin mas di 33.493 dosis di vacuna cu a keda aplica entre tur esnan cu a ricibi e vacuna. Cada dia ta vacunando alrededor di 1000 persona pa dia y actualmente tin un team special di diferente departamento di Gobierno ta trahando riba e logistica pa aumenta e cantidad di vacunacion pa dia aun mas y ta spera cu por aumenta e capacidad di vacunacion pa otro siman entre 2000 pa 3000 pa dia. Di e forma aki Aruba ta riba caminda di su recuperacion.

Na esnan cu ainda no a registra, no warda mas. Registra via www.dvg.aw of www.arubacovid19.org of via Aruba Health App y e siman aki ainda por registra na MFA.

Share on facebook
Share on Facebook
Share on whatsapp
Share on Whatsapp
+1
0

Tuma parti na e prome edicion di Encuesta pa Eleccion 2021.

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.