fbpx
April 16, 2021

Giovanni Croes y Elvin Maduro ta asumi maneho di Banco di Caribe

Share on facebook
Share on Facebook
Share on whatsapp
Share on Whatsapp
0
0
Giovanni Croes y Elvin Maduro ta asumi maneho di Banco di Caribe
Giovanni Croes y Elvin Maduro ta asumi maneho di Banco di Caribe

ORANJESTAD (AAN): Siman pasa, Banco di Caribe a anuncia cu entrante 1 di April, 2021 lo tin un cambio den maneho caminda Sr. Giovanni Croes y Sr. Elvin Maduro lo asumi maneho diario di e banco. Sr. Croes lo ocupa e posicion di Managing Director y den su funcion e lo ta encarga cu Commercial Affairs.

   Sr. Croes tin un trayectorio largo den e mundo bancario y a traha na ABN AMRO Bank, RBTT y RBC den varios posicion comercial na Aruba y den Caribe. Na RBC, Sr. Croes a fungi como Country Manager na St. Maarten y te na ultimo como Area Vice President Specialized Sales Force pa Dutch y Eastern Caribbean.

   Sr. Maduro tin mas cu 25 aña di experiencia den e mundo bancario y el a traha na Inter Bank, First National Bank y Aruba Bank. Sr. Maduro tin 17 aña den servicio di Banco di Caribe di cual e ultimo 4 aña y mey el a ocupa e funcion di Managing Director Commerical Affairs. Entrante e fecha menciona, e lo asumi como Managing Director Operations, reemplasando Señora Natascha Davelaar.  ‘

  Sr. Maduro a demostra capacidad y liderazgo den diferente funcion cu el a ocupa. Señora Davelaar despues di 36 aña activo den mundo financiero di cual e ultimo 3 aña y mey den servicio di Banco di Caribe, a baha cu un pensioen bon mereci. Banco di Caribe ta gradici Señora Davelaar pa su contribucion valioso den su funcion di Managing Director Operations.

   Maneho di Banco di Caribe ta invita comunidad di Aruba pa bin experiencia condicionnan nobo pa prestamo cu un servicio excepcional.

   Riba e potret por mira Elvin Maduro kende ta Managing Director Operations di Banco di Caribe, y tambe Giovanni Croes, Managing Director  Commercial Affairs pa Banco di Caribe.

 

 

Share on facebook
Share on Facebook
Share on whatsapp
Share on Whatsapp
0
0

Tuma parti na e prome edicion di Encuesta pa Eleccion 2021.

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.