fbpx
April 16, 2021

HIAS ta registra personanan indocumenta pa vacuna

Share on facebook
Share on Facebook
Share on whatsapp
Share on Whatsapp
0
0
HIAS ta registra personanan indocumenta pa vacuna
HIAS ta registra personanan indocumenta pa vacuna


Dianan 8, 15, 22 y 29 di april, entre 1’or di merdia y 5’or di atardi, personanan cu ta indocumenta cu cita, por haya nan vacuna contra COVID-19, na oficina di HIAS situa den Arendstraat 116, pa asina registra. 

Yiftach Millo, director di HIAS Aruba, hunto cu Rosemarly Mejia, stagiaire na HIAS (un organisacion cu ta asisti migrante y refugiadonan na Aruba), a comenta di a ofrece DVG pa registra hende na HIAS. Hopi hende cu ta na Aruba den un situacion iregular, tin miedo di bay MFA pa registra. Ta pa e motibo aki DVG ta manda dos persona pa registra e indocumentadonan for di 1 pa 5’or di atardi.

Pa por haci un cita y/of pa mas informacion, por tuma contacto cu number 7307770. No por yega y registra, pasobra ta evita aglomeracion mirando cu ta den un pandemia. Yamando e number aki lo haya un dia (un di e diahuebsnan ariba menciona) y ora pa por registra.

E registracion no ta haci pa HIAS, sino pa DVG. Tene na cuenta cu e informacion ta confidencial como uno medico. HIAS ta facilita esaki y tin cu elogia gobierno di Aruba pa ofrece vacuna pa tur hende na Aruba, tanto local como no-residente sea legal of no.

HIAS ta registra personanan indocumenta pa vacuna

HIAS ta registra personanan indocumenta pa vacunaClick link pa lesa mas: https://24ora.news/3uxFWb2

Posted by 24ora on Wednesday, April 7, 2021

Pa por haci esaki, mester trece algun tipo di identificacion, sin importa cu el a caduca, basta cu e tin un potret cu por identifica e persona. Sin esaki, no ta posibel pa identifica.

Share on facebook
Share on Facebook
Share on whatsapp
Share on Whatsapp
0
0

Tuma parti na e prome edicion di Encuesta pa Eleccion 2021.

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.