fbpx
April 16, 2021

Otro sla duro na caminda atrobe: Gasolin ta sigui subi cu 12 cen diaranson awo

Share on facebook
Share on Facebook
Share on whatsapp
Share on Whatsapp
+1
-2
Otro sla duro na caminda atrobe: Gasolin ta sigui subi cu 12 cen diaranson awo
Otro sla duro na caminda atrobe: Gasolin ta sigui subi cu 12 cen diaranson awo


Den apenas algun luna di tempo gasolin ta subiendo alrededor di un florin riba cada liter. Un auto cu ta yena full tank cu 60 liter nifica cu e ta costando den apenas algun luna un extra 60 florin pa cada full tank. Den un crisis asina sigur e ta un sla fuerte pa e pueblo. Gobierno ta come eynan so un gran parti na Accijns.

Na 2017 ora e gobierno nobo a drenta a elimina un cierto percentahe cu gobierno a absorba cu tabata acumula mas of menos na 10 cen pa liter. Den un gobernacion anterior di MEP a wanta e aumento aki pa gasolin no bira hopi mas caro. Esey kiermen cu pa cada liter gobierno a haya 10 cen menos. Djey gobierno di AVP a drenta y nan a laga esaki intacto.

Tabata ora e gobierno di MEP cu POR y RED a drenta cu nan a elimina loke MEP a absorba y AVP no a mishi cune. Minister Xiomara Maduro sin miedo a kita loke ta e parti absorba y awe automaticamente e gasolin ta como 10 cen mas caro. Den pasado semper MEP, a culpa publicamente den conferencianan e gobierno di AVP di ta esun cu ta castiga e pueblo cu aumento di gasolin. Awe e mesun minister cu tanto a critica, ta esun cu a elimina loke MEP den pasado a absorba y AVP a laga intacto na interes di e pueblo. Tur hende sa cu e mercado internacional ta dicidi e prijs di gasolin pa Aruba tambe.

Antes ora AVP tabata goberna, Xiomara Maduro den opocision tabata casi lanta e pueblo contra gobierno cu cada aumento. Awe si e kier tur hende compronde cu ta mercado internacional ta dicidi. E realidad di bida ta cu si Xiomara como minister awe a laga e parti cu MEP a absorba hunto cu AVP, awe e lo ta un alivio pa e pueblo den e crisis actual. Pueblo mester ta prepara pasobra otro siman e aumento ta 12 cen riba gasolin y 5 cen riba diesel.

Share on facebook
Share on Facebook
Share on whatsapp
Share on Whatsapp
+1
-2

Tuma parti na e prome edicion di Encuesta pa Eleccion 2021.

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.