fbpx
April 16, 2021

Pastor Marcel Balootje: Mantene bo comunion cu dios: juan 15:7

Share on facebook
Share on Facebook
Share on whatsapp
Share on Whatsapp
0
0
Pastor Marcel Balootje: Mantene bo comunion cu dios: juan 15:7
Pastor Marcel Balootje: Mantene bo comunion cu dios: juan 15:7
Den Juan 15 vers 7 Hesus a duna nos un gran promesa e a bisa  na nos lo siguiente: Si boso keda den mi y mi Palabranan keda den boso , pidi tur loke boso kier, y esaki lo wordo haci pa boso.
Esaki ta pa tur esnan cu ta kere den Dios cu un curazon sinsero y cu ta mantene un comunion cu Dios. Con bo ta mantene comunion cu Dios?
( a) Door di bishita cas di Dios cual ta bo Iglesia,
( b) HaciOoracion
(,c) Lesa bo Bijbel
 (d) Scucha e palabra y wak video cu ta contene doctrina sano pa bo crecemento spiritual, pasobra eseñansa falso ta purba na drenta.Comunion cu Dios ta yuda nos den guia di nos famia, caminda tin comunion cu Dios, ta dificil pa  pleito y violencia domestico drenta, pasobra comunion cu Dios ta aleha tur locual ta contrali na e boluntad di Dios. Tin hopi cas caminda mucha ta rebeldia  y mayor no por cune, hasta ta yega asina lew cu mester yama polis, nos tin di compronde cu ora bo mester yama polis pa bo yiu esey ta nifica, cu e situacion ta extremo y for di control, caminda no tin rasonamento , pa parti di bo yiu, of abo como mayor por a haci algo robez .Pesey Beibel ta bisa nos y  mi ta bolbe rectifica cu nos mester lanta nos yiu den e Palabra di Dios pa asina e mucha tin comunion cu Dios .Y asina evita mal influencia riba su bida. Comumion cu Dios ta aleha mal amistad, pasobra  ora un hende cu tin comunion cu Dios, otro persona cu tin mal pensamento no ta asocia cu ne facilmente, pasobra su Spirito ta rechasa negativismo.Tin  un beneficio hopi grandi ora nos mantene un comunion sinsero y berdadero cu Dios, na ingles nan ta yame fellowship, pero den tur idioma e ta mustra cu nos mester tin comunion cu Dios. Pero esey tambe ta exigi tempo pa Dios, si bo telefon ta mas importante cu Dios, si bo television ta mas importante cu Dios, si bo chick of bo guy ta mas importante cu Dios bo no por tin comunion cu Dios. Si bo ta casa abo y bo esposa hunto mester tin comunion cu Dios pa asina Dios papia cu boso, con boso dos mester guia e Famia. Den bida bo ta topa hopi caso caminda hende tin tempo pa tur cos pero hende no tin tempo pa Dios, y ora hende bira malo, e momento ey nos ta core busca Dios, pidi oracion, yama tur conoci pasobra algo a sosode cu nos no porr deal cu ne nos so.Hesus a bisa den Juan 15:7 kico nos mester haci. Papa Dios bisa den 2 Cron 7:14 kico su pueblo mester haci , pero con e pueblo por hacie si e pueblo no tin comunion cu Dios. Tin hopi cos cu ta hala nos for di e comunion cu Dios pesey tene cuidao di ta fanatico di politikeria, y pone tur bo atencion na hende cu ta priminti, y sa masha bon cu locual nan ta priminti no ta alcansabel, pero kier usa abo pa logra nan meta, y despues nan ta cumpli cu nan propio agenda.Aki nan bo ta mira e diferencia entre hende y Dios , hende ta priminti cu nan lo bay haci tur locual ta posibel pa yudabo, den un porcentahe hopi abao di exito, pero Hesus  ta dunabo e seguridad bisando: Si bo permanece den mi y mi Palabra permanece den bo, pidi locual cu bo kier y lo mi hacie pa bo.Y esaki ta permanente y ta conta pa tur esnan cu ta busca Hesus cu un curason sincero y asina tin comunion cune.
Rabia ta kibra comunion cu Dios,
Envidia ta kibra comunion cu Dios,
Falta di pordon ta kibra comunion cu Dios,
Gañamento ta kibra comunion cu Dios,
Idolatria ta kibra comunion cu Dios.
Redu ta kibra comunion cu Dios.
Falsedad ta kibra comunion cu Dios,
Tracion ta kibra comunion cu Dios.
Escohe pa bo mes na cual banda bo ta awe, bo kier agrada e mundo of bo kier agrada Dios, lesa Galationan 1:10 , y asina  bo tin cu buska comunion cu Dios urgentemente, pa bo hogar por tin paz y trankilidad. Por favor no lubida pa haci oracion riba nos Eleccion pa asina pone e futuro Gobernacion di e pais aki den man di Señor. Y esaki tambe ta un motibo pa nos tin comunion cu Dios
Share on facebook
Share on Facebook
Share on whatsapp
Share on Whatsapp
0
0

Tuma parti na e prome edicion di Encuesta pa Eleccion 2021.

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.