fbpx
April 16, 2021

Problema di fila largo no ta un problema di inmigracion, pero mas tanto un problema di AAA

Share on facebook
Share on Facebook
Share on whatsapp
Share on Whatsapp
0
0
Problema di fila largo no ta un problema di inmigracion, pero mas tanto un problema di AAA
Problema di fila largo no ta un problema di inmigracion, pero mas tanto un problema di AAA

Sindicato TOPA a reuni cu minister di husticia Andin Bikker y a elabora riba diferente puntonan cu ta pasando na departamento di inmigracion na Airport. Un di e puntonan ta e aspecto di bervordering cu no a keda atendi debidamente.

Segun Rene Bernabela, presidente di sindicato TOPA e mandatario a duna di conoce cu actualmente e ta trahando riba e asunto di bevordering, pero mirando e echo cu e desaroyonan cu ta tumando luga na e momentonan aki, ta treciendo cu ne un tiki di tardansa. Sinembargo sindicato TOPA a mustra minister Bikker cu e desaroyo aki a tuma hopi tempo y no por compronde e motibo cu tin un tardansa riba promocionnan pendiente ta tumando asina hopi tempo.

Segun Bernabela esaki ta puntonan cu a keda elabora cu e mandatario for di casi inicio di gobernacion actual pero lamentablemente nan no ta cla.

Sinembargo, segun TOPA den e reunion ultimo cu e mandatario, Bikker a duna di conoce cu e ta acelerando na e momentonan aki cu e proseso , pero cu tin algun partinan cu mester keda atendi pa tur e bevorderingnan keda cla ainda.

Pa loke ta trata e aspecto di aeropuerto mes e trahadonan di departamento di migracion no ta contento riba dje , specialmente e parti cu ta toca e E gates nan. Segun presidente di sindicato TOPA ya caba a duna minister Bikker un splicacion amplio caba riba e situacion y e problema no ta un situacion di awo, pero e ta un problema na AAA pa loke ta trata e seccion di migracion.

Segun Bernabela den e caso aki na momento cu turistanan drenta specialmente na e parti mericano. Na momento cu migracion prosesa tur e turistanan cu ta bay for di Aruba y ta pasa migracion, e turistanan ta bay paden y ta pasa na e di dos checkpoint cu ta e checkpoint di siguridad di aeropuerto.

Segun sindicato TOPA mirando cu e proseso aki ta tuma hopi tempo pa check cada persona cu tin cu pasa na e checkpoint aki e liñanan ta keda bay bek patras te cu nan ta yega te na inmigracion bek. Esaki ta unda cu e problema ta sinta mirando cu na ningun parti mundo no ta haya un aeropuerto cu un departamento di migracion prome y despues ta haya e siguridad di aeropuerto na di dos luga.

Segun TOPA esaki ta net lo contrario, na tur aeropuerto di mundo ta haya e parti di siguridad na prome luga y despues ta bin e parti di migracion cu ta check tur pasahero cu ta bandona Aruba. Sinembargo na e aeropuerto di Aruba e ta net lo contrario y pa e motibo di stagnacion di e proseso di controla cu nan tin cu haci , tur e turistanan ta keda para den rij y e rij ta yega bek te na e departamento di migracion unda cu ta stroba pa e otro turistanan cu tin cu drenta no lo por drenta.

E situacion aki no ta un problema di awo, pero di basta tempo caba cu sindicato TOPA ta bin ta splica cada bes pero nada no ta keda haci. No ta solamente Minister Bikker ta na altura di e situacion aki , pero tur minister di husticia cu a yega di sinta den pasado tambe a keda notifica cu e situacion aki no ta bon na aeropuerto, pero lamentablemente nada no a keda haci pa por trece un solucion.

Segun Sindicato TOPA minister Bikker a duna su persona di conoce cu e mes a bay aeropuerto pa asina visualisa loke ta pasando y tambe pa mira con e procedura ta bay y e la ripara cu berdaderamente e stagnamento aki ta tumando luga constantemente , pero loke cu tambe e mandatario a tuma no ta, ta cu e situacion aki no ta un problema di migracion, pero mas tanto e ta un problema di AAA. Segun sindicato TOPA e problema no ta na momento cu e pasahero nan ta pasa migracion na e parti mericano of e patri internacional , pero e problema ta sinta na momento cu pasa migracion y e turista mester yega na e checkpoint di siguridad di AAA unda cu e liña ta bira largo unda cu e ta yega te na e bali bek di migracion cu ta un situacion fastioso debi cu e otro pasaheronan cu ta yega y cu mester pasa migracion no por haci esaki.

Share on facebook
Share on Facebook
Share on whatsapp
Share on Whatsapp
0
0

Tuma parti na e prome edicion di Encuesta pa Eleccion 2021.

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.