fbpx
April 16, 2021

Venezuela: Pdvsa ta trata aumenta produccion di gasolin y diesel

Share on facebook
Share on Facebook
Share on whatsapp
Share on Whatsapp
0
0
Venezuela: Pdvsa ta trata aumenta produccion di gasolin y diesel
Venezuela: Pdvsa ta trata aumenta produccion di gasolin y diesel

(ElNacional/Argus) – Empresa estatal di Venezuela Pdvsa tin planea pa aumenta produccion di combustible na luna di april, ora lo reinicia operacion di varios unidad, entre otro na refineria di Puerto La Cruz y El Palito. E empresa ta spera di aumentaproduccion di gasolin te 65.000 bari pa dia (bpd) y di diesel te 80.000 bpd pa mitar di april.

“E reparacion di unidadnan critico di procesamento ta avanzando rapidamente na Puerto La Cruz y El Palito,” segun un gerente di Pdvsa di refineria Cardon a bisa e medio internacional Argus Media. “Awor nos ta na caminda pa logra e volumen operativo mas grandi desde 2018, promer cu fin di april,” el a indica.

E plan oficial di Pdvsa ta mustra intencion di reinicia procesamento di 190.000 bpd na Puerto La Cruz pa dia 3 di april y 146.000 bpd na El Palito patercer siman di april. Si cumpli cu esaki, e capacidad operativonacional total di procesamento di crudo lo por yega na 350.000 bpd dentro di 3 siman.

Puerto La Cruz ta programa pa reinicia operacion di un ‘fluid catalytic cracker’ di 16.000 bpd y un unidad di hidrodesulfuracion e fin di siman aki. E refineria ta conta actualmente cu un solo unidad di destilacion operativo capaz di procesa te 80.000 bpd di crudo.

Si Pdvsa logra realiza e reinicio aki, produccion local di gasolin lo aumenta te alrededor di 55.000 bpd desde siman venidero, aliviando un escasez cu tabatin e pais den su gara pa un aña.

Pdvsa tambe ta spera pone e catalutic cracker y unidadnan di destilacion y desulfuracion na El Palito den operacion pa fin di april, aumentando produccion total di gasolin di Compleho di Refinacion di Paraguana (Cardon, Amuay), Puerto La Cruz y El Palito na 65.000 bpd.

Share on facebook
Share on Facebook
Share on whatsapp
Share on Whatsapp
0
0

Tuma parti na e prome edicion di Encuesta pa Eleccion 2021.

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.