fbpx
April 16, 2021

Cosecha cu lansamento di coleccion special inspira riba naturalesa

Share on facebook
Share on Facebook
Share on whatsapp
Share on Whatsapp
0
0
Cosecha cu lansamento di coleccion special inspira riba naturalesa
Cosecha cu lansamento di coleccion special inspira riba naturalesa


Cosecha tin un exposicion andando. Segun Soraida Wever, a lansa un coleccion special hunto cu e artista local, Erica Moran, conoci na Aruba. Specialmente door cu e ta uza hopi colo. E ta e prome artista cu Cosecha a pidi pa colabora cu e lansamento.

E coleccion special aki di Cosecha ta consisti di boter di biña antiek, pero tambe di totebags. Erica Moran a pinta diferente parha local riba e totebags, pero tambe riba e boternan.

E inspiracion di Erica ta bin di naturalesa hopi biaha y ora a acerc’e pa colabora pa por saca un bunita coleccion na Cosecha, di biaha el a pensa riba naturalesa cu ta su inspiracion.

Cosecha cu lansamento di coleccion special inspira riba naturalesa

Cosecha cu lansamento di coleccion special inspira riba naturalesa

Posted by 24ora on Thursday, April 8, 2021

Wever ta sigui splica cu e prome biaha cu a acerca Erica, di biaha el a pensa riba naturalesa. E kier a duna un homenahe na kico ta inspir’e den su bida diario y di cua e ta saca e inspiracion pa por crea piesanan bunita, manera Erica ta conoci p’e.

BENTA

Wever a comenta cu diaranson anochi a lansa e coleccion. E ta di biaha na benta na Cosecha Oranjestad. E lo keda como un coleccion permanente te ora cu e coleccion ta cumpra completamente. Tienda di Cosecha na Playa ta habri tur dia.

Ta invita un y tur pa tira un bista y admira e coleccion, pero tambe cumpra un piesa dunando asina un aporte na arte local na Aruba.

E COLECCION

Esaki ta un coleccion apart y e ta bin acerca. Normalmente Cosecha ta bende piesa cu certificacion nacional den e tienda. Ta duna e artistanan local cu tin e seyo nacional di artesania riba nan producto, un espacio unda nan por bende nan piesa. Pero ta haya cu tin cu keda desaroya e liñanan na Cosecha. E idea a surgi pa bin cu un coleccion special di Cosecha. Pero di mes, involucrando artistanan local.

MAS ARTISTA

Cosecha apenas ta cuminsando cu e proyecto aki. Erica Moran ta e prome artista local cu a acerca. Intencion ta cu lo keda acerca mas artista local, pa asina Cosecha por mustra mundo henter kico tur e artistanan local por haci y tambe e nivel di arte ofreci na Aruba.

Share on facebook
Share on Facebook
Share on whatsapp
Share on Whatsapp
0
0

Tuma parti na e prome edicion di Encuesta pa Eleccion 2021.

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.