fbpx
April 16, 2021

Exitoso webinar organiza door di IDEA pa e grupo femenino

Share on facebook
Share on Facebook
Share on whatsapp
Share on Whatsapp
0
0
Exitoso webinar organiza door di IDEA pa e grupo femenino
Exitoso webinar organiza door di IDEA pa e grupo femenino

ORANJESTAD (AAN): Departamento di Asuntonan Economico, Comercio y Industria (DEACI) mediante su unit di Iniciativa pa Desaroyo di Empresa Arubano (IDEA) a organiza un webinar conhuntamente cu Erasmus Consulting & Training.

   Dia 26 maart ultimo, e team aki a organiza e prome webinar cu a worde organiza pa e grupo femenino. A scohe e prome webinar den maart, como cu esaki ta e luna cu ta celebra e Dia Internacional di Hende Muher riba e fecha 8 maart 2021.

   Den aña 2021, IDEA lo bay organiza un serie di webinar pa Women Entrepreneurship (WE). Tur aña IDEA ta enfoca riba un grupo di entrepreneurs cu e kier dedica diferente topico comercial pa nan.  Den pasado IDEA a enfoca riba e grupo di sector primario (Agripreneurship), riba e grupo di muchanan (Kidpreneurship), riba grupo di pensionadonan (Silver Entrepreneurship) y e aña aki a plania pa dedica riba e grupo femenino (Women Entrepreneurship).

   DIARIO a compronde cu e prome webinar di WE a hiba e titulo di “Strategic Entrepreneurship & Innovation”. Den e presentacion aki, sr. Edward Erasmus a elabora primeramente riba diferente rasonnan cu e persona femenino por ta un mihor entrepreneur cu e persona masculino a base di investigacionnan haci.

   E rasonnan ta, cu nan por colabora mas, nan ta mas resiliente, nan ta mas creativo, nan por calcula e riesgonan bon, nan tin vision riba termino largo y nan ta bon den controla nan ego.

   Tambe sr. Erasmus a presenta e diferente strategianan cu por worde implementa den e setting di un SME, e yabi pa ta un exitoso entrepreneur, tambe a presenta e parti di creatividad y innovacion. Den e ultimo parti aki sr. Erasmus a presenta e diferente tipo di nivel di innovacion cu ta existi, e “Disruptive Innovation” cu por ta beneficioso pa cierto consumidor pero alaves e por ta desastroso pa industrianan existente. Tambe pa clausura e presentacion, el a presenta e proceso completo di innovacion.

   E webinar aki a tuma luga via e plataforma digital ZOOM y a haya un participacion di en total 21 persona femenino. IDEA ta sumamente contento cu e contenido y acogida di e webinar y tambe di e bon comentarionan ricibi di su participantenan na final di e webinar y via email. Un webinar sigur hopi informativo y cu pregunta di parti di e participantenan y un tremendo presentacion di parti di Sr. Edward Erasmus cu propietario y trainer di e compania Erasmus Consulting & Training.

   IDEA lo sigui cu su trayecto cu enfoke riba e grupo femenino pero tambe lo organiza webinar na 2021 cu lo ta dedica na un y tur cu kier cuminsa un negoshi of tin un negoshi existente y kier educa nan mes riba diferente topiconan comercial. 

  Un danki na tur e participantenan y un danki special na Sr. Edward Erasmus cu a comparti su experticio cu tur esnan cu a join e webinar. Keda pendiente pa mas eventonan den aña 2021 cu lo worde organiza door di IDEA.

Share on facebook
Share on Facebook
Share on whatsapp
Share on Whatsapp
0
0

Tuma parti na e prome edicion di Encuesta pa Eleccion 2021.

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.