fbpx
May 06, 2021

SETAR aportando na enseñansa cu tablet

Share on facebook
Share on Facebook
Share on whatsapp
Share on Whatsapp
0
0
SETAR a aportando na enseñansa cu tablet
SETAR a aportando na enseñansa cu tablet


Desde e yegada di Coronavirus riba nos isla, e poblacion a enfrenta diferente reto cu no ta custuma cu ne. Esaki entre otro a haci un impacto grandi riba nos sistema di educacion y e manera cu nos ta custuma di haya les. Enseñansa online a bira e normal nobo cu nos studiantenan tin cu custuma cu ne.

Durante 2020, SETAR a aporta na varios manera pa haci enseñansa online posibel y aña aki no ta excepcion. Diahuebs atardi SETAR a haci entrega di 800 tablet na scolnan secundario rond di nos isla. Esaki como meta pa brinda studiantenan cu no tin un aparato, e posibilidad di fia un aparato na scol pa haci un proyecto of les online. E scolnan lo ta encarga pa maneha e aparatonan aki.

SETAR aportando na enseñansa cu tablet

SETAR aportando na enseñansa cu tablet

Posted by 24ora on Thursday, April 15, 2021

SETAR a enfoca riba scolnan secundario mirando cu nan ta e scolnan di mas critico pa loke ta nos futuro di mañan. E cantidad di tablet cu a wordo reparti pa scol a wordo haci a base di e cantidad di studiante na cada scol.

Aña pasa na april, SETAR a reparti 200 Mifi cu 100 GB y carchinan di prepaid na balor di AWG 35.000 pa e studiantenan, specialmente di examenklas, cu no tin acceso na internet. E aña aki SETAR su enfoke tabata riba aparato.

Asina aki SETAR ta sigui aporta pa brinda nos scolnan y studiantenan cu e hermentnan necesario pa por haci nan lesnan online y garantisa asina e continuidad di lesnan pa medio di enseñansa online.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.