fbpx
May 06, 2021

Crisisteam: Medidanan ta keda na vigor

Share on facebook
Share on Facebook
Share on whatsapp
Share on Whatsapp
0
0
Crisisteam: Medidanan ta keda na vigor
Crisisteam: Medidanan ta keda na vigor

PRESS RELEASE

CRISIS TEAM: CIRCUNSTANCIANAN NO TA PERMITI AINDA PA FLEXIBILISA MEDIDANAN.

Oranjestad, 16 di April, 2021 – Crisis Team ta informa nos comunidad cu e medidanan tuma desde siman pasa tin cu sigui na vigor un siman mas, te cu dia 23 di April. E circu nstancianan di capacidad di cuido na Hospital y otro factornan di riesgo, no ta permiti cu na e momentonan aki por flexibilisa medidanan. Crisis Team tin comprencion pa e sectornan afecta den nos comunidad. Pesey a sinta na mesa cu sector comercial pa asina pone nan na altura di e situacion y dicon ta importante pa sigui mantene e medidanan na vigor. Otro siman lo sinta cu esnan di Gym pa informa nan tambe ariba e situacion y alaves pa pone tambe atencion riba e protocol cu Gymnan tin cu atene nan mes na dje mescos cu tur otro instancia cu ta ricibi publico.

Na e momentonan aki cu e variante Britanico ta 85% di e casonan y ta plama mas rapido, cual ta causa mas infeccion, hospitalisacion y morto. Nos mester haci tur locual ta necesario pa proteha nos poblacion y controla mas cu por e plamamento di E virus. Te ainda falta 25% di esnan 60 plus pa vacuna y tambe un grupo grandi di esnan vulnerabeL den nos comunidad. Pesey ta urgi un y tur cu ainda no a vacuna pa registra pa nan haya nan vacuna, mas hende vacuna, menos hende ta bira malo di e virus, menos chens e virus tin di bira mas infeccioso y peligroso den nos comunidad y mas lihe por flexibilisa medidanan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.