fbpx
May 06, 2021

Eddie Croes: Un persona bou investigacion no por ta representante di pueblo

Share on facebook
Share on Facebook
Share on whatsapp
Share on Whatsapp
0
0
Eddie Croes: Un persona bou investigacion no por ta representante di pueblo
Eddie Croes: Un persona bou investigacion no por ta representante di pueblo


Un persona cu tin investigacion no por ta representante di pueblo. Esaki ta palabra di Eddie Croes, kende ta ex-presidente di parlamento y ex-lider di AVP. Bisando esey, e persona tin di tuma su retiro.

El a splica cu no solamente un parlamentario mester ta integro, pero un minister tambe. Ora ta papia di un hende no integro, pasobra e ta bin c’un accion no aceptabel den bida normal. E ora ey tin dos hende, un cu ta pidi y un cu por duna. E ta di pensamento cu ora un hende dicidi di postula riba un lista politico, e prome tarea ta pa sirbi pueblo.

“Kiermen no sirbi esun band’i bo, rond di bo, esun cu no merece”, el a bisa. Un politico semper mester pone dilanti dje cu e ta sirbi un pueblo. Unabes haci esey, tin cu pone hopi cos un banda y mester tuma decision como politico den parlamento of ora ta minister. Tin di tuma un decision cu podise den partido propio nan no ta gusta. Aunke nan no ta aprecia, tin di tum’e pasobra esey ta corecto. Su ultimo biaha como funcion politico tabata na 2001 y a admiti cu e gobierno cu el a forma parti di dje, a bin c’un maneho yama Calidad. “Nos a cuminsa introduci cierto reglanan den gobernacion. Lastimamente nos a sali for di gobierno y esun cu a sigui despues, no a continua cu e programa di Calidad”.

No ta posibel pa kita un parlamentario, el a expresa. Un parlamentario ta representante di un pueblo. Pueblo ta pone y kita. Ta e parlamentario mes y partidonan politico cu a participa na eleccion, mester percura pa prepara e hendenan bon.

Na 2001 eleccion no a bay na fabor di AVP, unda cu nan a perde cuater asiento den parlamento. Esaki tabata un decision di lider di partido, Tico Croes, na renuncia su liderazgo. A pasa e liderazgo pa Pedro E. (Eddie) Croes. Mike Eman a bira e vice-presidente y lider di fraccion AVP den Parlamento di Aruba. Na 2003, a eligi Mike Eman como lider di AVP. Despues di eleccion di 2005, AVP a recupera dos asiento y Eman a bira e vote-getter di e eleccionnan cu mas di 12% di voto na su nomber.

Eddie Croes: Un persona bou investigacion no por ta representante di pueblo

Eddie Croes: Un persona bou investigacion no por ta representante di pueblohttps://24ora.news/3tpPwg3

Posted by 24ora on Friday, April 16, 2021

Pa mas informacion lesa TREMPAN.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.