fbpx
May 06, 2021

Eric Ras (CURPA): No Vota Pa Tradicionalista

Share on facebook
Share on Facebook
Share on whatsapp
Share on Whatsapp
0
0
Eric Ras (CURPA): No Vota Pa Tradicionalista
Eric Ras (CURPA): No Vota Pa Tradicionalista


Despues di cu partidonan grandi a caba di vota contra leynan di Dios ta sali afo cu diripente  tanto partido geel y berde, a  transforma den un partido religioso buscando pastornan evangelico pa subi lista cu den nan pensamento pa gana e grupo di Cristiannan pa vota pa nan y reafirma nan posicion den e proximo eleccion parlamentario 2021. Nan ta caba di adultera y despues nan kier hasi manera cu nan no a kibra un kopi. Un conseho no burla di Dios, pasobra di Dios, ningun hende ta burla y no lubida paso awa cu azeta no ta mescla.

Den nan pensamento nan ta kere cu nan lo por bai tuma nos pueblo hasi y cu nos pueblo ta uno bruha. Nos pueblo ya caba a laga su voz resona bon cla caba cu esun cu tin un plan real di personanan cu stima nos dushi barranca, a nan lo ta digno pa ricibi nan voto. Gran parti di pueblo no kier tende di ni geel ni berde mas.  

Partidonan grandi desde Status Aparte a sa di primiti mil y un cos y como resultado semper e pueblo mester paga pa nan actonan. Loke si nan a mustra ta con nan por acumula debe ariba debe y mustra dede ariba otro, mientras cu e pais mester a paga pa e debenan cu nan a crea, un mas cu otro. E palabra principio no ta resalta den nan vocabulario. 

Awor aki nan kier bin hasi cu nan ta e unico coca cola den desierto y cu nan tin tur solucion di mundo. Nan kier hasi cu nan ta bon hende cu nan tin cambio pa tur cos. Nan hechonan ta papia pa nan mes, partidonan asina no por tin amor pa nos Aruba dushi terra. Nan amor ta pa nan mes y nan famia y amistadesnan y no pa Aruba. Hendenan asina mester tin berguensa .

E desesperacion pa logra mayoria awor kier bagatilisa partidonan chikito. Den wega di ajedrez un pion tambe por pone e rey(partido grandi) riba schakmat. Respeta partidonan chikito paso ta di eynan boso mes a caminsa. Pa hopi tempo bosonan a pisca den partidonan chiquito, pa  despues schopnan afor, ora boso caba di usanan.

Tur e tempo e partidonan grandi  aki a sinta den e scochi di Hulanda. Papia un cos cu Hulanda y bin Aruba trose e palabracionnan hasi, y trata na bende esaki cu pueblo di Aruba.  Pueblo no mester di hendenan asina. Nan no ta digno di bo voto. E partidonan aki a bira asina orguyoso cu locual cu ta speranan ta nan caida. Orguyo ta bin prome cu caida. 

Nan a hasi cu un gran mayoria di nos pueblo no ta kere mas den nan promesanan falso. E bati di curason di pueblo ta e cambio cu pueblo ta anhela. Nos por ta sigur cu e cambio lo bin dia 25 di juni 2021. E cambio lo bin paso pueblo ta bai vota differente y esey ta bai hasi cu e resultado lo ta uno differente. Nos pueblo riba e barranca tan stima aki, cu jama Aruba dushi terra, mester di haya mesun opportunidad pa florese.

Partido Curpa ta consisti di hendenan cu ta kere den nan mes y cu nan capacidad pa por logra e deseonan di e pueblo votador. Nos ta kere cu nos no mester subi lista politico di partidonan tradicional pa jega den parlamento. Ta partidonan tradicional a busca saca cierto miembronan for di partidonan chikito pa hasi nan partido bira grandi y cu e unico meta pa logra nan agenda y no esun di e pueblo. Nos partido Curpa a cuminsa di nada y ta destina pa bira un partido grandi. Tur partidonan den pasado a cuminsa chikito. Ningun candela ta cuminsa grandi y esun chiquito ta esun di mas peligroso. No lubida cu David cu un piedra chiquito a gana Goliath.

Partido Curpa ta conta cu hendenan honesto, sincero y leal na nos Aruba dushi terra. Hendenan cu mentalidad pa progresa. Hendenan cu tin amor pa Aruba y ta dispuesto pa duna contenido na nos himno cu ta bisa “Cu Dios por guia y conserva su amor pa nos libertad”. Pesey mes pueblo di Aruba ban uni den un solo Curpa. Pueblo cu bo sosten partido Curpa lo trese e cambio berdadero y duradero cu lo significa stabilidad y progreso. Partido Curpa lo hasi e diffencia den e proximo eleccion. 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.