fbpx
May 06, 2021

Pa via di Coco polis a bay cu chauffeur di March kibra

Share on facebook
Share on Facebook
Share on whatsapp
Share on Whatsapp
0
0
Pa via di Coco polis a bay cu chauffeur di March kibra
Pa via di Coco polis a bay cu chauffeur di March kibra


Diabierna, pa mas of menos 10:30 pm, segun informacion ricibi, tabatin un accidente entre un Nissan March y un scooter den Ranchostraat. Sinembargo na momento cu polis a yega na e sitio, nan a bin topa cu e March totalmente destrui, pero ni un colo y holo ni di scooter ni di e motociclista.
A puntra cerca bisiñanan den vecindario, pero ningun hende sa kico a pasa. For di nada, chauffeur di e March a presenta y a conta polis cu e ta esun responsabel di e auto. Tambe el a bisa polis cu un tal Coco di Rancho a manda scooter riba dje, a kibra su windshield y su backshield cu un baranca.
Na e sitio por a scucha grito di e chauffeur gritando pa Coco sali, pa asina nan regla cuenta. Polis di trafico a cuminsa busca e scooter y a tuma nota cu esaki tabata den un cas cu aparentemente tabata unda e tal Coco ta biba.
Polis a pidi permiso di un superior pa asina nan por kibra porta y saca e scooter. Mientras tanto polis a detene e chauffeur di e March, mirando cu e no tabatin rijbewijs.

Ranchostraat: Chauffeur a manda auto riba persona

Posted by 24ora on Friday, April 30, 2021

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.