fbpx
May 06, 2021

Parlamentario drs. ShailinyTromp-Lee (MEP): Construccion di edificio di Aduana y realisacion di compleho di vivienda lo inicia na juni

Share on facebook
Share on Facebook
Share on whatsapp
Share on Whatsapp
0
0
Parlamentario drs. ShailinyTromp-Lee (MEP): Construccion di edificio di Aduana y realisacion di compleho di vivienda lo inicia na juni
Parlamentario drs. ShailinyTromp-Lee (MEP): Construccion di edificio di Aduana y realisacion di compleho di vivienda lo inicia na juni

Siman pasa Gobierno a anuncia cu, porfin despues di 7 aña, Gabinete Wever-Croes a logra yega na un solución pa loke ta trata e necesidad di un propio edificio pa Aduana. Cu no tin e espacio financiero pa realisa proyectonan grandi ta bon conoci, pero cu creatividad Gobierno a logra crea un win-winsituatie pa toch haci e proyecto aki un realidad.

Mediante un acuerdo di “swap” a keda dicidi cu lo pasa e edificio bieu di Aduana dilanti Waf na Playa pa Bohama Aruba NV, cu lo construi un compleho di vivienda y na su turno Bohama lo construi e edificio nobo pa Aduana na balor di e edifcio bieu. Un edificio cu ya pa hopi aña ta sera y ta sigui bay atras.

E construccion di edificio di Aduana lo costa 9,5 miyon florin, lo pone prome piedra na comienso di juni venidero, lo crea 80 cupo di trabou y lo tin un duracion di 1 aña y mey. Pa realisa e compleho di vivienda lo inverti 45 miyon florin, lo inicia cu trabounan di sloop na inicio di juni, e lo crea 150 cupo di trabou y lo tin un duracion di 2 aña y mei.

Banda di ImSan y Gateway 2030, esakinan ta otro 2 proyecto mas cu lo crea e cuponan di trabou cu ta asina necesario na e momentonan aki na Aruba. Hunto nan dos lo crea 230 cupo di trabou. Banda di e punto importante aki, e acuerdo aki ta crea un solucion pa e necesidad di Aduana pa un propio edificio. Asina lo por reduci tambe gastonan di huur pa Gobierno den futuro.

Aduana ta un Departamento sumamente importante cu ta trece hopi placa aden pa caha di gobierno y awor nan ta bay haya un edificio nobo, moderno,innovativo y cu ta tene cuenta cu nos medio ambiente. Poco poco Aruba ta sigui recupera y nos por sigui avansa.

Un pabien na Cuerpo di Aduana den su totalidad y na tur stakeholders cu a haci e proyecto aki posiblel y na Gabinete Wever-Croes pa pone e proyecto aki como un prioridad.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.