fbpx
May 06, 2021

Amsterdam ta prohibi aviso na stacion di metro cu ta promove vuelonan barata y auto di combustibel fossiel

Share on facebook
Share on Facebook
Share on whatsapp
Share on Whatsapp
0
0
Amsterdam ta prohibi aviso na stacion di metro cu ta promove vuelonan barata y auto di combustibel fossiel
Amsterdam ta prohibi aviso na stacion di metro cu ta promove vuelonan barata y auto di combustibel fossiel

(NLTimes) – Stacionnan di metro na Amsterdam no lo pone aviso pa autonan cu ta core riba combustibel fossiel of ticketnan di aerolinea barata mas. E medida ta parti di e plan di e ciudad pa promove escogencianan di energia mas berde, y ta resultado di e asociacion entre e municipalidad y e operador di aviso CS Digital Media. E restriccion di aviso ta cuminsa awe, e ciudad a bisa den un declaracion.

“Nos kier ta un ciudad unda ta usa energia cuidadosamente, unda ta genera energia solamente di forma sostenibel y unda materianan prima y materialnan ta reusa indefinidamente. Di e forma aki, e comision kier reduci emision di carbon na Amsterdam cu 55% pa 2030. Aviso cu nos permiti den e ciudad mester refleha e ambicion aki”, segun Marieke van Doorninck, consejal pa sostenibilidad di e ciudad.

E municipalidad a splica cu e prohibicion ta aplica solamente na productonan cu ta resalta e uso di combustibel fossiel, no companianan ofreciendo e proyectonan aki en general. Esey ta nifica cu aerolineanan lolo por continua promocionando nan mes riba e casi 40 stacion di metro na e ciudad, pero sin indica e prijs di vuelonan barata.

CEO di Digital Media, Mark Veenman a bisa cu e proyecto tabata alinea cu e movemento global Race to Zero, na caminda pa un futuro cu cero emision (di gasnan di invernadero) cu e compania a dicidi di adopta. “Tur hende mester tuma e metanan di sostenibilidad seriamente. Nos industria tambe tin un rol den e proceso aki”, el a bisa.

“Pa hacie atractivo pa esun cu ta pone aviso pa participa den e iniciativa aki, tambe nos ta lansando ‘DOOH Good’, tempo adicional riba pantaya pa pone aviso resaltando e beneficionan di producto y servicionan sostenibel”, Veenman a bisa.

Amsterdam ta e prome ciudad na Hulanda cu ta prohibi aviso pa productonan fossiel den espacionan publico. Na 2017, Amsterdam tambe a prohibi tur aviso pa cuminda no-saludabel cu tabata enfoca riba mucha for di stacion di metro na e ciudad.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.